Yanga hucheza pungufu dhidi ya Simba?

Wachezaji wa Yanga wakiomba dua kabla ya kuingia uwanjani kucheza na mahasimu wao wakubwa Simba (picha ya chini), katika mchezo wa kirafiki wa NANI MTANI JEMBE, uliochezwa Uwanja wa Taifa, Dar es Salaam, Decemba 21, mwaka jana. Simba walishinda 3-1.
WATANI wa jadi katika soka la Tanzania Yanga na Simba wamekuwa na kasumba ya muda mrefu ya kuchukuliana wachezaji kwa lengo la kuimalisha vikosi vyao huku wachezaji hao wakiwa na mapenzi makubwa na upande mmoja wa timu hizo baada ya kusajiliwa na upande mwingine.

Kasi ya timu hizo kuchukuliana wachezaji ilianza kuota mizizi wakati wa Ligi Daraja la Kwanza Tanzania Bara miaka ya 1990, (Sasa ligi kuu), wakati huo timu hizo zilikuwa na wafadhili wakubwa kama Hayati Abbas Gulamali aliyekuwa Yanga na Azim Dewji aliyekuwa Simba.

Katika kuoneshana umwamba, Gulamali alifanikiwa kumteka kiungo mahili wa Simba wakati huo Deogratias Njohole ambaye mashabiki wa Simba walimpachika jina la 'OCD' (Kamanda wa Polisi) kutokana na uwezo wake mkubwa wa kukabiliana na adui uwanjani.

Pamoja na Dewji kuhaha huku na huku kuhakikisha mchezaji huyo aliyekuwa tegemeo la Simba wakati huo haendi kwa mahasimu wao Yanga, Gulamali alifanikiwa kutinga Uwanja wa Taifa (sasa uhuru), akiwa amemvisha Njohole jezi namba tano ya Yanga.

Kutokana na pigo hilo kubwa kwa Simba, Dewji alijibu mapigo baada ya kumsajili kiungo mchezeshaji mahili kabisa wa Yanga wakati huo, Athuman Abdallah China, ambaye alikuwa na mchango mkubwa kwa klabu yake ya Yanga wakati huo.

Kufuatia majeraha hayo, Yanga na Simba ziliendelea kuchukuliana wachezaji, ambapo Yanga ilifanikiwa kuwasajili, Hamisi Thobias Gagalino na Methord Mogella Fundi (ambao wote ni marehemu), nao Simba wakawachukuwa, Said Mwamba Kizota (marehemu) na Nico Bambaga.

Nimejaribu kufafanua hivyo ili mashabiki wa soka nchini Tanzania waelewe kuwa timu za Yanga na Simba hazikuanza kuchukuliana jana. Pia mfumo huo hauko kwa timu hizo tu kwani hata Ulaya timu fulani ikimhitaji mchezaji hufuata taratibu za uhamisho.

Hivi karibuni umeibika ushindani mkali kwa viongozi kwa timu hizo kugombea wachezaji, ambapo Yanga wamefanikiwa kwa kiasi fulani kusajili wachezaji kutoka. Mwaka juzi Yanga ilifanikiwa kumsajili beki Mbuyu Twite aliyekuwa APR ya Rwanda, baada ya Simba kusuasua kumfanyia uhamisho wa kimataifa (ITC).

Awali kabla ya hapo Yanga ilifanikiwa kumchukua aliyekuwa beki kisiki wa Simba, Kelvin Yondani, ambaye alitua Yanga kwa dau la shilingi milioni 30, huku Simba wakihaha kumsaka beki mwingine mbadala wa Yondani ambaye pia ni nahodha wa timu ya Taifa ya Tanzania Bara.

Baada ya Yondani kusajiliwa Yanga, maumivu mengine yalifuata ambapo timu hiyo ya Mitaa ya Twiga na Jangwani Jijini Dar es Salaam ilifunga kazi kwa kumsajili mshambuliaji kipenzi wa Simba, Emanuel Okwi, aliyekuwa akicheza soka la kulipwa nchini Tunisia alitua Jangwani.

Awali kabla ya Okwi kutua Jangwani na kuvaa jezi ya kijani namba 25, wachezaji wengine kama makipa Juma Kaseja, Ali Mstafa Baltez na kiungo Athuman Iddi waliokuwa wachezaji wa Simba, kabla ya kutua Yanga akianza Iddi, Baltez na baadaye Kaseja aliyeachwa kwa madai ya kushuka kiwango chake.

Kipa mwingine wa Yanga, Deogratius Munisi (Dida), ambaye pia aliwahi kucheza Simba, kama golikipa wa akiba, nae alisajiliwa Yanga kama mchezaji huru, baada ya kuachwa na timu yake ya awali ya Azam FC. Huyu ndiye alipaswa kuwa kipa namba moja wa Yanga kwa sasa tofauti na wengine.

Hakuna ubishi kuwa Klabu ya Yanga ndio yenye wachezaji wenye uwezo mkubwa wa kucheza soka katika ligi kuu ya soka Tanzania Bara, ikiwa imesheheni wachezaji wenye vipaji kama Mrisho Ngasa, Haruna Niyonzima, Frank Domayo, Jerryson Tegete na wengine wengi lakini inapokutana na Simba haifui dafu.

Hii inatokana na Yanga mara kadhaa kucheza wakiwa pungufu uwanjani, huku wapinzani wao Simba wakicheza wakiwa zaidi uwanjani. Matokeo ya hivi karibuni, ambapo Simba wakiwa nyuma kwa mabao 3-0 hadi mapumziko, waliweza kusawazisha mabao hayo dhidi ya Yanga katika mchezo wa Ligi Kuu.

Katika mchezo uliofuata, Yanga waliokuwa wakitamba kupitia vyombo vya habari kwa kuwa na kikosi bora, hawakufua dafu kwa kuburuzwa mabao 3-1, katika mchezo wa nani mtani jembe. Ushindi huo wa Simba dhidi ni kielelezo kwa Yanga kucheza soka wakiwa pungufu uwanjani.

Si kwa sababu katika mchezo huo Yondani aliondolewa uwanjani kwa kadi nyekundu, la hasha, ukiangalia kwa makini utagundua kuwa Yanga hata iwe na kikosi imara chenye wachezaji wazuri zaidi ya Christian Ronaldo bado hawatafua dafu kwa Simba.

Kwanini?. Kwa sababu Kaseja ni shabiki nazi wa Simba, ambaye hawezi kuisaidia Yanga kushiinda timu anayoipenda. Akiwa Yanga kabla ya kurejea Simba mwaka 2011, Yanga ikiwa katika kiwango bora, Kaseja akiwa golini timu hizo zilitoka sare kwa kufungana mabao 2-2.

Simba wameepuka kusajili wachezaji kutoka Yanga, hivyo wamesajili wachezaji chipukizi, ambao husaidiwa na wachezaji wakongwe waliosajiliwa na Yanga, kuisaidia timu yao kupata ushindi mnono.

Kelvin Yondani na Athuman Iddi ni wachezaji wazuri sana katika sehemu ya kiungo na ulinzi, lakini wachezaji hao wanapokutana na Simba hucheza chini ya kiwango na kuruhusu wapinzani wao kufunga mabao kirahisi kama alivyofanya Amisi Tambwe katika mchezo wa nani mtani jembe.

Hata zile goli tatu ambazo Simba walisawazisha katika mchezo wa Ligi Kuu, zilitokana na sababu kama hizo, kwani hata golikipa Ali Mstafa, niliyemwelezea mwanzo hakustahili kufungwa mabao kama yale kutokana na umahili wake.

Yanga wanapaswa kujiangalia upya, vinginevyo hata makocha wazalendo wenye mapenzi makubwa na timu hiyo kama Charles Boniface Mkwasa na Juma Pondamali watafukuzwa muda mfupi baada ya kufungwa na Simba, kwani ndani ya jeshi la Yanga kuna Simba ndani yake.


 





Comments

Post a Comment

HABARI ZILIZOPITA

HEKAYA ZA ABUNUWASI

HEKAYA ZA ABUNUWASI ni kitabu cha hadithi za kusisimua, zinazofurahisha sana kutokana na umahili wa watunzi wa vitabu vya kale. Kutokana na utamu wa hadithi za ABUNUWASI, Blog ya MPIGANAJI itawaletea hadithi hizo ili kuwachangamsha akili............... KISA CHA ABUNUWASI NA MFALME SIKU moja alfajiri, wakati wananchi wa mji wenye wakazi wengi walipokwenda kuchota maji mtoni, walishangazwa kuuona mkono wa mtu ukiwa katikati ya mto. Mkono huo wa ajabu ulikuwa umenyoosha vidole viwili juu, kuonyesha alama ya mbili. Wananchi walistushwa sana na kitendo hicho, wakaogopa hata kuchota maji mtoni, kwani hawakuwahi kuona tukio la kuogopesha kama lile. Wengine waliamini kuwa huo ulikuwa mwili wa mtu aliyetupwa mtoni. Lakini ishara iliyoonyeshwa na mkono huo iliwafanya wananchi waamini kuwa huo ulikuwa mkono wa ajabu. Katika kiza kinene kilichozunguka ndani ya vichwa vya wananchi, habari zikamfikia Mfalme wao, naye akafika haraka eneo la tukio. Mfalme wa nchi hiyo baada ya kujiridhisha k

HISTORIA YA VITA VYA KAGERA 1978 - 79

MAJESHI YA UGANDA YALIVYOINGIA KAGERA MWAKA 1978, Majeshi dhalimu ya Nduli Idi Amin Dadaa wa Uganga, yalivamia Ardhi ya Tanzania, eneo la Mto Kagera, katika mkoa wa Ziwa Magharibi na kufanya uharibifu mkubwa wa mali na kuua wananchi wa mkoa huo, NYAKASAGANI MASENZA anasimulia kupitia vyanzo mbali mbali vya habari jinsi majeshi hayo yalivyoingia Tanzania na Amin kutangaza rasmi kuwa eneo hilo la Mto Kagera ni sehemu ya Uganda. DAIMA Tanzania imekuwa mstari wa mbele kwa ukombozi wa Bara la Afrika, ikiwa miongoni mwa mataifa masikini zaidi duniani, lakini iliyojariwa viongozi wenye hekima, kuanzia muasisi wake Hayati Mwalimu Julius Nyerere, Rais wa pili Mzee Ali Hassan Mwinyi, Benjamin Mkapa na Jakaya Kikwete. Busara za viongozi wa Tanzania zilianza kuonekana mwaka 1961, baada ya Mwalimu Nyerere kuwanasua watanzania kutoka mikononi mwa utawala kandamizi wa wakoloni, wakati huo pia akiwa tayari kuchelewesha Uhuru wa Tanganyika ili nchi zingine zilizokuwa kwenye mchakato wa uhuru zipa

PATA HADITHI ZA UPELELEZI ZA KUSISIMUA

KAMA HUKUBAHATIKA KUSOMA VITABU VYA HADITHI ZA UPELELEZI VYWA KUSIMUA VILIVYOANDIKWA NA MWANA MAPINDUZI SHUPAVU A.E MSIBA, TUTAANZA KUKULETEA HADITHI HIZO KUANZIA KESHO. KAA TAYARI KUSOMA KITABU KIITWACHO NJAMA, KUHUSU WIZI WA SILAHA ZA WAPIGANIA UHURU WA AFRIKA KUSINI BANDARINI DAR ES SALAAM  

TUTARUDI NA ROHO ZETU?

Nchi zilizo msitari wa mbele katika Ukombozi Kusini mwa Afrika zimetendewa mambo mengi maovu na Utawala dhalimu wa Makaburu... Hata hivyo halikupata kutokea tishio zito la kutisha kama hili, ambalo linakaribia kutokea. Tukio la kutatanisha ambalo linawatoa machozi wananchi wa nchi mbalimbali za kiafrika. Wanajitokeza mashujaa na kwenda Afrika Kusini, ili kulikabiri tishio hilo lakini kila aendaye huko harudi na roho yake. Inspekta Kombora nchini Tanzania jasho linamtoka. Anawatambua na kuwakumbuka mashujaa wengi lakini anamtambua shujaa mmoja. Joram Kiango. Jambo la kusikitisha ni kwamba sasa hivi Joram Kiango ni mtumiaji mzuri ambaye sasa anatembea kutoka jiji moja hadi lingine akiwa na yule msichana wake mzuri Nuru kwa ajili ya kustarehe. Juhudi za Kombora kumsihi Joram arejee kazini hazifui dafu. Badala yake Joram anafanya maajabu mengine ambayo yanalichafua jina lake hapa nchini Tanzania na kote duniani. Wakati huo siku ambayo utawala wa makaburu umeweka ili kuachia pigo
NJAMA HADITHI YA KUSISIMUA YA UPELELEZI  SURA YA TATU "Unajuwa Willy dakika ile mtu anapozaliwa pale pale anapewa huku ya kifo. Nina maana ya kusema kuwa binadamu hata aishi vipi kufa lazima atakufa. Kule kuishi baada ya kuzaliwa ina maana kuwa ile hukumu ya kifo inaahirishwa kutekelezwa.Wengine huahirishwa kwa mwezi mmoja. Hivyo mtoto anazaliwa na baada ya mwezi mmoja anakufa. Hii si ajabu maana hukumu yake ya kifo imetekelezwa baada ya mwezi mmoja. Wengine huishi hata miaka mia moja. Hii ina maana kuwa hukumu yake aliyopewa dakika alipozaliwa imetekelezwa baada ya miaka mia.Hivyo kila mtu na sehemu yake ya kuishi. Kwa hiyo kuogopa kufa ni ujinga." "Mimi sina wasiwasi, maana kifo cha namna hii, nitakuwa nimekufa kifo cha heshima", alisema Sherriff. "Okke, sasa naamini nina watu. Tokea sasa nyinyi si ndugu tena ila ni makomredi", niliwaeleza. "Kwani komredi ina maana kubwa zaidi ya ndugu?", Veronika aliuliza. "Hasa, ina maana kali zaidi.
Image

Vifaa vya Kijeshi vilivyotia fora maonesho ya miaka 50 ya Uhuru

 Gari la Jeshi likipita mbele ya Amiri Jeshi Mkuu Rais Jakaye Kikwete likiwa limebeba Kifaru cha kisasa kilichofungwa makombora kwa ajili ya kutungua ndege za adui  Kifaru kikipita mbele ya Amiri Jeshi Mkuu Rais Kikwete kikiwa na mkonga wa kurusha makombora  Kifari kinachotumia minyororo kwa ajili ya kukabiliana na adui kikipita mbele ya Rais  Hili ni moja ya magari ya kisasa kwa ajili ya vita likipita mbele ya Rais Kikwete Gari la kisasa lenye rada kwa ajili ya askari wa Majini NAV, likipita wakati wa maadhimisho ya miaka 50 ya Uhuru wa Tanzania Bara.

HOFU

HOFU ni miongoni mwa vitabu vya hadithi za kusisimua za upelelezi kuhusu ukombozi Kusini mwa Afrika kilichoandikwa na Mwandishi Mahili wa vitabu vya Upelelezi nchini, shujaa wa Afrika Hayati A E Musiba. Kitabu hiki ni mojawapo ya vitabu vya Upelelezi vitabu vingine ni KIKOSI CHA KISASI, KUFA NA KUPONA, KIKOMO, UCHU na NJAMA, kisome kupitia NYAKASAGANI.BLOGSPOTI.COM. SEHEMU YA KWANZA PORT ELIZABETH Ilikuwa tarehe 24 Machi, baada ya mauaji ya kikatili ya waafrika 19, katika kitongoji cha Langa, karibu na Vitenhage; mji ulio karibu na ule mji wa viwanda wa Port Elizabeth, katika Jimbo la Cape Mashariki. Mauaji hayo yalikuwa yamefanyika tarehe 21 Machi, siku ya kukumbuka mauaji ya kikatili kwenye mji wa Sherpville mnamo mwaka 1960. Wakati wazalendo 69 walipouawa kikatili. Mnamo tarehe hiyo ya 24 Machi, huko mjini Port Elizabeth kulifanyika mkutano katika ofisi ya Mkuu wa Polisi mnamo saa sita usiku. Ndani ya chumba cha mkutano huo walijumuika watu ambao wamekuwa chanzo cha vilio na malalam
                                 NJAMA VERONIKA NA SHERRIFF II ILIKUWA saa tatu kamili niliposimama mbele ya chumba namba 208 katika ghorofa ya pili ya hoteli ya Kilimanjaro, niligonga mlango mara mbili haraka haraka, halafu nikatulia kidogo kisha nikagonga tena. Hivi ndivyo nilivyokuwa nimeelekezwa. "Karibu", nilisikia sauti kali ya juu ikitokea ndani ya nyufa za mlango. Nilifungua nikajikuta katika sebule ya chumba hiki ambamo Veronika alikuwa amevaa kaputula na sidiria tu akifanya mazoezi ya viungo. Alikuwa ameelekea upande mwingine na kunionesha mgongo na kuendelea na mazoezi yake kama kwamba hakuna mtu aliyeingia. Nilirudisha mlango, nikauegemea na kutazama jinsi binti huyu alivyokuwa akichukua mazoezi. "Karibu Willy Gamba, kaa kwenye kiti upumzike", alinielekeza bila kugeuka na huku akiendelea na mazoezi yake. Kisha akaanza kusema kana kwamba anajizungumzia yeye peke yake. "Willy Gamba anayejiita mfanyabiashara huku ni mpelelezi mashuhuri wa Afrika. Afa