nyakasagani

Tanzania yasaini mkataba wa kubadilishana wahalifu wa uharamia

2012-02-23T07:17:00.000-08:00

Rais Jakaya Mrisho Kikwete na Waziri masuala ya Jumuiya ya Madola, Umoja wa Mataifa, Afrika na Mazingira (Parliamentary Under Secretary responsible for Africa, United Nations, economic issues, conflict resolution, and climate change) wa Uingereza, Bw Hendry Bellingham wakishuhudia Waziri wa Mambo ya nje na Ushirikiano wa Kimataifa Bernad Membe na Waziri wa Mambo ya Nje wa Uingereza wakisaini mkataba wa makubaliano kwa nchi hizo kukabadhiana watuhumiwa wa uharamia na mali zilizokamatwa katika matukio ya uharamia katika bahari kuu leo Lancaster House, London

Walioiba samaki wa magufuli wafungwa jela miaka 20

2012-02-23T07:06:00.000-08:00

Watuhumiwa wa kesi ya wizi wa samaki kinyume cha sheria eneo la Tanzania Hsui Chin Tai (kushoto) na Zhao Hinguin wakitolewa Mahakama Kuu Tanzania Kitengo cha Biashara, Dar es Salaam leo, wakiwa chini ya ulinzi baada ya kutiwa hatiani na kufungwa jela miaka 20 au kulipa faini ya Sh.Bilioni 1 na Milioni. 20. Wengine wameachiwa huru

Walioiba Samaki wa Magufuli wafungwa miaka 20 jela

2012-02-23T07:02:00.000-08:00

Watuhumiwa wa kesi ya wizi wa samaki kinyume cha sheria Bahari ya Hindi, eneo la Tanzania Hsui Chin Tai (kushoto) na Zhao Hinguin wakiwa chini ya ulinzi, wakati wakitolewa kwenye Mahakama Kuu Kitengo cha Biashara, Dar es Salaam leo, baada ya kutiwa hatiani na kuhukumiwa kwenda jela miaka 20 au kulipa faini ya Sh.Bilioni moja hadi 20. Watuhumiwa wengine waliachiwa huru

Waikizu na Ngoma ya Ekesa na Bwenga

2012-02-23T06:26:00.000-08:00

MWAKA 1978, wakati majeshi ya Tanzania yakirejea nchini, baada ya kumfukuza mvamizi Nduli Iddi Amin Dadaa wa Uganda, aliyovamia ardhi ya Tanzania, vikundi vya ngoma za asili vya makabila ya Tanzania, viliongeza hamasa ya mapokezi kwa wapiganaji wetu.

Amiri Jeshi Mkuu wa Majeshi ya Ulinzi na Usalama wakati huo, Hayati Baba wa Taifa Mwalimu Julius Kambarege Nyerere, hakusita kutoa pongezi kwa vikundi vya ngoma za asili, kutokana na mapokezi makubwa kwa majeshi yetu, baada ya kuvutiwa na ujumbe uliotolewa na vikundi hivyo.

Mkuu wa Majeshi ya Ulinzi wakati huo, Jenerali Abdallah Twalipo na Mkuu wa Majeshi aliyemfuatia Jenerali David Musuguri, walieleza jinsi wapiganaji wetu walivyohamasika kwa mapokezi makubwa ya vikundi vya ngoma za asili.

Miongoni mwa ngoma zilizowasisimua wapiganaji wa Jeshi la ulinzi la wananchi wa Tanzania (JWTZ), wakati wa mapokezi ni ngoma ya Ekesa na Bwenga, inayochezwa na watu wa kabila la Waikizu, kutoka Wilaya ya Bunda, mkoani Mara, Kanda ya Ziwa Victoria.

Wakicheza na kuimba wimbo huu kwa lugha ya kiikizu, Iyaakanya mwiginga Amin akatamatama, iyakanya mwiginga Nduli Iddi Amini akatamatama, Mwalimu akaapa, abamula bakazunguka ekesaka ogozoka gokang'osa, waikiwa na maana joka lilivamia nchi, vijana wakachachamaa, Amin akakimbia.

Maneno haya yalionekana kumgusa zaidi Mwalimu Nyerere, hivyo alianza kuwatumia wasanii wa kikundi cha ngoma hii, kwenye mapokezi ya wageni wa kitaifa, husasan waliofika Butiama.

Hakuna asiyetambua kuwa utamaduni ni kielelezo cha umoja wa Taifa, ulioasisiwa na mababu, kwa lengo ni kuwaweka wananchi pamoja, wakati wa mavuno, ushirikiano wa kilimo na baada ya ushindi dhidi ya adui hususan wezi wa mifugo.

Waikizu ni miongoni mwa makabila ya asili ya Tanzania Bara, wanaouenzi utamaduni wake kwa vitendo, wakitumia ngoma yao ya Ekesa na Bwenga, ambayo kila inapopigwa huleta msisimko wa aina yake kwa watazamaji.

Kutokana na ngoma hii kuwa ya kuvutia, watu wa asili kutoka kabila ya Waikizu, wamedhamilia kurekodi ngoma hii kwa ajili ya mbukumbu kwa vizazi vijavyo, kazi ambayo wameanza kuifanya.

Kamanda wa Kikosi cha 692 Tabora, Kanali Ryakitimbo Ryakitimbo, anasema kukuwa kwa Teknolojia ya Habari na Mawasiliano Duniani, kumechangia kwa kiasi kikubwa, vijana kuacha mila na kutoshiriki ngoma za asili, kama ilivyokuwa kwa mababu zetu.

Anasema mila na desturi za asili kwa makabila ya Tanzania zimeanza kutoweka kwa kasi, kutokana na vijana wa Tanzania kutoshiriki vema masuala ya jadi, akibainisha kuwa ifikapo mwaka 2050, mila na desturi zinaweza kutoweka miongoni kwa makabila ya Tanzania.

"Wakati utafika, mila na desturi zetu zitapotea kabisa, hii inatokana na vijana kukwepa kujihusisha na mila za asili za makabila yao, njia pekee ya kulinda utamaduni wetu ni kuweka kumbukumbu kwa teknolojia ya Digtal, Ekesa na Bwenga ni ngoma inayosisimua sana, ikirekodiwa na kuwekwa kwenye kumbukumbu, itakuwa kielelezo cha utamaduni wetu kwa muda mrefu", anasema Kanali Ryakitimbo.

Mkeleketwa mwingine wa mila ni Bw. Steven Nyakire 'Tigani', yeye anabainisha kuwa, anavyothamini na kutambua utamaduni wa asili wa kabila la waikizu, atashiriki kuhakikisha historia ya kabila hiyo inawekwa kwenye kumbukumbu, kwa faida ya vizazi vijavyo.

Amesema Ngoma hii ya Ekesa na Bwenga ni moja ya ngoma za kusisimua sana katika ukanda wa Ziwa Victoria, inayochezwa wakati wa mavuno, mapokezi kwa viongozi na ushindi dhidi ya maadui wa kabila hili, hususan wezi wa mifugo.

"Utamaduni ni kielelezo cha uimala wa kabila, enzi zetu tulishirikiana na wazee kucheza ngoma za asili, pia tulishiriki kuzijua mila na desturi, nitasimamia kwa kiasi fulani kufanikisha mpango huu", amesema Bw. Tigani.

Bw. Tigan amesema, atashirikiana na Meneja wa Shirika la Taifa la Hifadhi ya Jamii (NSSF), mkoa wa Geita, Bw. Nyabuyenze Kirondera, Dkt. Kandore Musika, Bw. Kaunda Kilinda, Seleman Kilaba, Bw. Gehonde Warioba, Bw. Hamis Magoma na wengine kuhakikisha zoezi hilo linafanikiwa.

Anasema Waikizu ni moja ya makabila 40 ya mkoa wa Mara, wakipakana na Wasukuma upande wa Kusini, mkoa wa Mwanza, Wanaisenye, Wakurya, Wanata, Wangoreme na Waikoma upande wa Kaskazini, Wazanaki upande wa Mashariki na Wajita, upande wa magharibi.

Bw. Tigan anasema ile imani ya kuwa watu wa mkoa wa Mara, ni korofi, waikizu ni wataratibu, ukorofi hutokana na kuchokozwa, hususan wanapoibiwa Ngombe, hucharuka na kukabiliana na adui kwa nguvu zao zote.

Miaka kadhaa iliyopita jamii ya kabila hili ilisumbuliwa na jamii ya Wamasai, kutoka Ngorongoro, ambao walivuta hifadhi za Ngorongoro na Serengeti na kuwaibia mifugo yao, lakini hawakuweza kutoka nao, wakati wote walikabiliana na aidui na kushinda.

Anasema Wakati wa ushindi Ngoma ya Ekesa na Bwenga, ambayo washiriki hucheza wakiwa wamevaa kofia za ngozi, mikuki na silaha za jadi mikononi, wakiruka na kuchezesha vichwa na kufurahia ushindi dhidi ya adui yao.

Yanga yaihenyesha Zamalek Taifa, Mashabiki washindwa kuamini,

2012-02-19T07:01:00.000-08:00

Shabiki mkongwe wa Yanga Kaunda Kilinda, akijaribu kuwasiliana na mashabiki wenzake, Uwanja wa Taifa, Dar es Salaam jana, baada ya timu yake kufunga bao jana.

Hapa Kaunda (aliyekaa katikati akicheka), akifuatilia kwa makini pambano hilo.

Hapa akiangalia vurugu za hapoa na pale, zilizosababishwa na mashabiki wa Simba, baada ya kufukuzwa katika eneo lao jana

Hapa Kaunda akiendelea kushangaa jinsi Polisi walivyoanza kuwathibiti mashabiki wa Simba

Hapa Amani imepatikana, mashabiki wa Simba wametulizwa na kusogezwa upande mwingine, ili mashabiki wa Yanga wapate nafasi ya kushangilia timu yao jana.

Hapa sasa tusubiri mpira uanze, Leo hawa Zamalek wataipata fresh

Kaunda akishangilia baada ya wachezaji wa Yanga kuingia Uwanjeni, wakiwa tayari kuwakabiri Zamalek

Hapa mashabiki wakiwa wametulia kimya wakisubiri kandanda lianze.

Hapa Viongozi wa Yanga wanapita kuhamasisha ushindi kwa mashabiki.

Mwenyekiti wa Yanga Lloyd Nchunga (kulia) na Salim Rupia wakihamasisha mashabiki kushangilia timu yao jana

Hapa Kocha Papic akiwaandaa wapiganaji wake kuingia uwanjani jana.

Beki kisiki wa Yanga, Nadir Haroub akiwahakikishia mashabiki wa timu yake kuwa watafanya vizuri

mambo ya Dar es Salaam hayo

2012-02-19T04:45:00.000-08:00

Habari katika Picha leo

2012-02-09T06:58:00.000-08:00

Mwenyekiti wa Zabuni za Shirika la Taifa la Hifadhi ya Jamii (NSSF), Bw. Ludovic Mrosso (kulia), Mkurugenzi wa Mipango na Vitega Uchumi vya shirika hilo, Bw. Yakob Kidula (kushoto) na Meneja Kiongozi wa Uhusiano na Huduma kwa Wateja Bi. Eunice Chiume, wakijadiliana jambo, wakati wa semina, ya Mamlaka ya Udhibiti wa Ununuzi wa Umma (PPRA), kuhusu sheria ya manunuzi ya mwaka 2011, Bagamoyo, mkoani Pwani jana.

Mbunge wa Korogwe Vijijini, Bw. Stephen Ngonyani 'Maji Marefu', akishiriki kula chakula aina ya Kande na Watoto wa Kijiji cha Manga-Mtindiro, mkoani Tanga, alipofika eneo hilo kwa ajili ya kufanikisha ujenzi wa kivuko kipya, baada ya kivuko kilichokuwepo kuharibiwa na mvua zilizosababisha mafuriko.

Mama huyu mfanyabiashara ndogo ndogo ya matunda, akipita kwenye Barabara ya Msimbazi, Jijini Dar es Salaam leo, wakati akitafuta wateja akiwa na mwanae mchanga mgongoni, huku baadhi wakitelekeza watoto wao kwa kisingizio cha ugumu wa maisha.

2012-02-09T06:49:00.000-08:00

Rais Jakaya Mrisho Kikwete akizungumza na Naibu Waziri wa Mambo ya Nje wa Marekani Bw. Johhnie Carlson na Ujumbe wake walipomtembelea Ikulu jijini Dar es salaam leo

Rais Jakaya Mrisho Kikwete na Naibu Waziri wa Mambo ya Nje wa Marekani Bw. Johhnie Carlson na Ujumbe wake wakiwa katika picha ya pamoja walipomtembelea Ikulu jijini Dar es salaam leo

Rais Jakaya Mrisho Kikwete na Naibu Waziri wa Mambo ya Nje wa Marekani Bw. Johhnie Carlson na Ujumbe wakitembea huku wakiongea kwenye viwanja vya Ikulu, Dar es Salaam leo. Kuhsoto ni Waziri wa Nishati na Madini Bw. William Ngeleja

Polisi Moro, wanasa meno ya Tembo kwenye gari la serikali

2012-02-09T06:26:00.000-08:00

Shehena ya Meno ya Tembo yaliyokamtwa na Polisi, mkoani Morogoro jana.

Kamanda wa Polisi, mkoa wa Morogoro, Bi. Adolfina Chialo, akiangalia moja ya meno ya Tembo yaliyokamatwa jana.

Wanaharajkati mbaroni, Madaktari, wauguzi sitisha mgomo rasmi

2012-02-09T06:04:00.000-08:00

Mkurugenzi Mtendaji wa Chama cha Waandishi wa Habari Wanawake Tanzania (TAMWA), Bi. Ananilea Nkya (kushoto), akimsikiliza Mkuu wa Polisi Wilaya ya Kati, Susan Kaganga, Dar es Salaam leo baada ya kukamatwa akituhumiwa kufanya mikusanyiko kinyume na sheria.

Bi. Nkya akihojiwa na Polisi wa Kituo Kikuu Dar es Salaam leo

Hapa akifafanya jambo wakati akihojiwa na Polisi

Hapa Bi. Nkya na Mkurugenzi wa Kituo cha Sheria na haki za Binadamu Bi. Helen Kijo-Bisimba, wakiwa chini ya ulinzi wa polisi leo

Wauguzi wa Hospitali ya Taifa Muhimbili wakicheza kwa furaha baada ya Waziri Mkuu kutangaza kuwasimamisha kazi, Katibu Mkuu Wizara ya Afya Bi. Blandina Nyoni na Mganga Mkuu wa Wizara hiyo Dkt, Mtasiwa

Madaktari na wauguzi wakimsikiliza Waziri Mkuu, Bw. Mizengo Pinda

Pinda akubali yaishe, Madaktari na Wauguzi kuendelea na kazi leo

2012-02-09T04:57:00.000-08:00

Mbunge Sumari alivyoagwa Dar es Salaam leo

2012-01-21T08:29:00.000-08:00

Rais Jakaya Kikwete akitoa heshima za mwisho kwenye jeneza la aliyekuwa Mbunge wa Arumaru Mashariki, Marehemu Jeremia Sumari, wakati wa kuuaga mwili wake, Dar es Salaam leo

Rais Kikwete akimpa pole mjane Marehemu Jeremia Sumari, Mama Miriam Sumari, wakati wa kuuaga mwili wa mmewe, aliyekuwa Mbunge wa Arumeru Mashariki, Dar es Salaam leo.

Rais Kikwete akiwa pamoja na viongozi wengine wa Serikali na Vyama vya siasa, wakati wakiuaga mwili wa aliyekuwa Mbunge wa Arumeru Mashariki, Marehemu Jeremia Sumari, Dar es Salaam leo.

Rais Kikwete, Jaji Mkuu Mohamed Chande Othman, Spika Anne Makinda na Kiongozi wa Kambi ya Upinzani Bungeni Bw. Freeman Mbowe, wakisubiri kuuaga mwili wa Marehemu Jeremia Sumari, aliyeagwa Dar es Salaam leo.

Mwizi wa simu adandia maghorofa Dar na kutokomea kama Ninja

2012-01-21T08:13:00.000-08:00

Mtuhumiwa wa wizi wa simu, akiruka kutoka juu ya ghorofa, wakati akifukuzwa na wananchi wenye hasira baada ya kukamatwa akiwa ameiba simu na kuwazidi mbinu na kuwaponyoka, kwa kudandia maghorofa moja baada ya nyingine kama Ninja, kwenye Barabara ya Uhuru, Dar es Salaam leo, kama inavyoonesha katika picha hizi.

Hapa wananchi wenye hasira wakimpa mkongoto, baada ya kumkamata

Hapa baada ya kukamatwa na kuwekwa chini ya ulinzi baada ya kupata kipigo kutoka kwa wananchi wenye hasira kali waliomkamata

Hapa wnannchi wakiwa wamekata taamaa baada ya mwizi huyo kupita kwenye tundu hili na kuruka kutoka juu ya ghorofa na kutokomea kusikojulikana leo.

Regia Mtema alivyoagwa Dar

2012-01-18T08:06:00.000-08:00

WAZIRI Mkuu, Bw. Mizengo Pinda amesema Marehemu Regia Mtema (32) aliyekuwa Mbunge wa Viti Maalum mkoa wa Morogoro, alikuwa mahili na mtu mwenye karama za pekee.

Akitoa salamu za serikali kwa wabunge, wafiwa na jamaa waliofika kutoa heshima za mwisho kabla ya safari ya kwenda kuzikwa nyumbani kwao Ifakara, mkoani Morogoro jana, Pinda alisema marehemu alikuwa na uwezo mkubwa wa kufikiri na kutoa hoja zenye lengo la kujenga.

Amesema Chadema inaweza kuziba pengo la Regia kwa kumchagua mrithi wake, lakini hawatampata mbunge makini kama alivyokuwa mbunge huyo kwa sababu alikubali kukosolewa na alipokosea alikubali makosa na kuomba radhi.

"Mimi nitamkumbuka Regia Bungeni kila siku za Alhamisi aliamka mapema kujiandikisha kutoa hoja zake kwangu, alionesha uwezo mkubwa ndani na nje ya bunge, kila mtanzania kwa nafasi yake tumwombee Mungu ampokee kwa amani," alisema Waziri Mkuu.

Kiongozi wa kambi ya upinzani bungeni, Bw. Freeman Mbowe alisema alimfahamu marehemu Regia siku alipotembelea shule ya Sekondari ya wasichana Machame, Kilimanjaro, wakati huo akiwa mbunge wa Hai mwaka 2001 ambako alisoma risala kwa niaba na wanafunzi wenzake.

Anasema kutoka hapo Regia alitoa mawazo yake ya kupenda mageuzi nchini na alipokuwa mwanafuzi wa chuo Kilimo cha Sokoine (SUA) alijiunga na Chadema, akishiriki kwa njia moja ama nyingine kutoa hoja za msingi hadi kifo chake.

Alisema katika uhai wake marehemu Mtema alikuwa mmoja wa vijana waliopata mafunzo ya maandalizi ya kuwa viongozi wa Chadema akiwepo John Mnyika (Bunge wa Ubungo) na Bw. Godbles Lema, Mbunge wa Arusha Mjini.

Alisema marehemu Mtema hakufurahishwa kupangiwa majukumu mepesi kutokana na ulemavu wake bali alitaka afanye kazi kama wengine wanavyopangiwa. Bw. Mbowe alisema pamoja kuwa Chadema inabezwa katika harakati zake za kujenga demokrasia ya uongozi nchini aliwaomba viongozi wa serikali kutumia fursa ya msiba wa Regia kujenga taifa lenye umoja.

Spika wa Bunge, Bi. Anne Makinda alisema Regia alipata ujasiri wa kuingia kwenye siasa na kugombea ubunge wa Jimbo la Ifakara baada ya kushiriki katika semina mbalimbali alizokuwa akizitoa kama mkufunzi kabla hajachaguliwa Spika wa Bunge.

Bibi Makinda alisema ujasiri huo ndiyo ulimfanya marehemu Regia kuingia katika kinyang'anyiro cha uchaguzi Mkuu mwaka 2010 kupitia chama chake na kushika nafasi ya pili baada kupata kura 38,000 ambazo ni asilimia 41 ambazo zinastahili mgombea kuzipata kuwa kiongozi.

Katibu Mkuu wa Chadema, Bw. Willibrod Slaa alisema marehemu Regia alipenda kijiita ...Mbunge wa Viti Maalum aliyechaguliwa.. kwa sababu aliamini kuwa hakuna kazi ambayo mlemavu atashindwa kuifanya.

Waombolezaji wakioneshwa huzuni na wengine wakibubunjuikwa machozi, Makamu wa Rais, Gharib Bilal aliyeongoza heshima za mwisho, Wenyeviti wa Vyama vywenye wawakilishi bungeni NCCR Mageuzi Bw. James Mbatia, TLP aliwakilishwa na Mwenyekiti wake Augustine Mrema, UDP Bw. John Cheyo na CUF.

Wabunge 50 walisafiri kwenda Ifakara akiwemo mbunge wa Kigoma Kusini, Bw. David Kafulila baada ya kuatangazwa kuwemo katika msafara huo waombolezaji na wagune walipiga makofi kushangilia.

Komong'we,mti wenye historia ya pekee kwa wananchi wa Ikizu

2012-01-14T09:10:00.000-08:00

Mti huu ndio wenye historia ya pekee kwa wananchi wa Kabila la Waikizu, ukiwa umepandwa karne iliyopita, mahali ambapo Chifu wa Ikizu Mohamed Makongoro alitumia kwa ajili ya mikutano ya wazi, Unalindwa sana na Waikizu, ukikata tawi lake faini yake ni Ng'ombe, lakini siku ukianguka eneo hili litakuwaje?.

Waziri Wassira awahamasisha Nyamuswa kuchangia Shule

2012-01-14T09:03:00.000-08:00

Waziri wa Nchi Ofisi ya Rais Mahusiano na Uratibu Bw. Stephen Wassira akizungumza na wananchi wa Kata ya Nyamuswa, wakati wa harambee ya kuchangisha fedha za madawati ya Shule za Kata ya Nyamuswa.

Kanali Ryakitimbo wa 692 KJ ADC Tabora, akikabidhi sh. milioni moja kwa Waziri Wassira.

Waziri Wassira akipokea fedha taslimu kutoka kwa Mzee wa kabila la Waikizu, wakati wa harambee ya kuchangia madawati.

Mzee Hamisi Mwanisi baada ya kutoa mchango wake kwa Waziri Wassira

Mama Rukiko akitoa ahadi yake kwa Waziri Wassira.

Wassira awahamasisha Nyamuswa, wachanga mil 40 za madawati

2012-01-14T08:41:00.000-08:00

Waziri wa Nchi Ofisi ya Rais Mahusiano na Uratibu Bw. Stephen Wassira (aliyekaa kulia), akizindua harambee ya kuchangisha fedha kwa ajili ya madawati ya Shule za Kata ya Nyamuswa, Wilayani Bunda hivi karibuni. Katika harambee hiyo sh. milioni 40.8 zilipatika. Kulia ni Mbunge wa Tarime Bw. Nyambari Nyangwine, Mwenyekiti wa Baraza la Wazee wa Kata hiyo Bw. Warioba Sinduka (aliyekaa kushoto) na baadhi ya maofisa wa Mamlaka ya Hifadhi za Serengeti.

Mbunge wa Serengeti Dkt. Steven Kebwe, akitembeza bakuli, wakati wa harambee ya kuchangisha fedha za madawati kwa shule za kata ya Nyamuswa, Wilayani Bunda hivi karibuni.

Wasanii wa kikundi cha Zinduka, wakitoa burudani, wakati wa harambee iliyofanywa na Waziri wa Nchi Ofisi ya Rais Mahusiano na Uratibu, Bw. Stephen Wassira ya kuchangisha fedha kwa ajili ya kununua madawati ya Shule za Kata ya Nyamuswa.

Diwani wa Kata ya Nyamuswa Bw. Maximilian Madoro, akiwakabidhi wasanii wa ngoma za asili za Kabila la Waikizu, sh. laki 1, baada ya kutoa burudani wakati wa harambee ya kuchangisha fedha za madawati.

Wasanii wa ngoma za asili wa Kabila la Waikizu, wakicheza ngoma ya asili ya Kabila hilo, wakati wa harambee wa kuchangisha fedha za madawati.

Yanga yaifanyia kweli Sofapaka

2012-01-14T08:21:00.000-08:00

Kikosi Kamili cha timu ya soka ya Yanga kilichocheza na Sofapaka ya Kenya leo.

Mshambuliaji wa Yanga, Jerryson Tegete, akijaribu kumtoka mlinzi wa Sofapaka ya Kenya, Abdallah Juma, wakati wa mchezo wa kirafiki wa kimataifa, uliochezwa Uwanja wa Taifa Dar es Salaam leo. Yanga illishinda 2-1.

Yanga yaitambia Sofapaka

2012-01-14T08:12:00.000-08:00

Mshambuliaji wa timu ya soka ya Yanga, Hamisi Kiiza (kushoto), akimtoka mlinzi wa Sofapaka ya Kenya, Abdallah Juma, wakati wa mchezo wa kirafiki wa Kimataifa, uliochezwa Uwanja wa Taifa Dar es Salaam jana. Yanga ilishinda 2-1.

Yanga yaifumua Sofapaka

2012-01-14T08:10:00.000-08:00

Mshambuliaji wa timu ya soka ya Yanga, Devis Mwape (kushoto), akijaribu kumtoka Nahodha wa Sofapaka ya Kenya, James Situma, wakati wa mchezo wa kirafiki wa Kimataifa, uliochezwa Uwanja wa Taifa Dar es Salaam jana. Yanga ilishinda 2-1.

Mwanafunzi Warioba aandaa makombora kwa ajili ya mwaka mpya

2011-12-29T01:05:00.000-08:00

Mwanafunzi wa darasa la tatau katika shule ya Msingi Highmaount International Warioba Nyakasagani, ameunda makombora ya mabuti kwa ajili ya kuyaripua siku ya mkesha wa mwaka mpya. Kwa mjibu wa Warioba ameunda makombora hayo kwa kutumia eria za redio.

NJAMA

2011-12-27T01:00:00.000-08:00

NAONANA NA CHIFU

Ndege ilitua kwenye uwanja wa ndege wa mjini Dar es Salaam kiasi cha saa moja na nusu asubuhi. Nilipita harakaharaka katika sehemu za afya, uhamiaji na ushuru wa forodha, kisha nikachukua teksi iliyonipeleka moja kwa moja katika ofisi yangu ya 'Afrika International Agencies', iliyoko mtaa wa Independence karibu na ofisi kuu za shirika la Bima la Taifa.

"Hallo bosi, umerudi!", Rose mfanyakazi wetu sehemu ya mapokezi alisema.

"Naam nimepata ujumbe wa teleksi kutoka kwa Marcelina kuwa mama anakufa".

"Na kweli nenda ofisi kwako mwandishi wako mahususi alikuwa na wasi wasi maana huko juu wanakuulizia kila baada ya dakika kumi. Ama kweli huko juu kuna kitu kikubwa kinawawasha".

Nilielekea ofisini kwangu, nilipofika nikafungua mlango wa mwandishi wangu mahsusi, Linda.

Oh, Mungu wangu, afadhali umefika, kidogo nipate wazimu maana huko juu hawanipi nafasi hata ya kupumua. Naulizwa kila wakati kwanini hujafika, utafikiri mimi ndiye nakufuga".

"Poa sasa nimefika mwenyewe. Vipi shughuli hapa?".

"Mambo shwali, isipokuwa toka juzi kuna jambo limeharibika, maana jana nzima ofisi inawaka moto. Chifu huko juu ametingwa na mambo. Na afadhali uende sasa hivi, mimi nawajulisha kuwa uko kwenye lifti unaelekea ofisini kwake".

"Yaa fanya hivyo".

Niliacha mzigo wangu kwa Linda, nikaelekea ofisini kwa Chifu ambaye ofisi yake ilikuwa orofa ya tatu, na sisi tulikuwa chini katika jengo hilo hilo.

Nilifungua mlango bila kubisha hodi. Nikaingia ndani ya ofisi ya mwandishi mahsusi wa Chifu.

"Ooh, Mungu wangu! Afadhali umekuja!", Maselina alisema kwa moyo wa furaha.

"Hujambo lakini?".

"Sijambo ila wasiwasi ni juu yako tu. Pole sana, nafikiri tumekukatishia likizo murua kabisa".

"Wacha kusema. Tayari nilikuwa nimeshapata kipande cha msichana. Nilipopata ujumbe wako kidogo nipate ugonjwa wa moyo. Je kuna nini huku kinacholeta wasiwasi hivi?".

"Atakueleza mwenyewe kinachompandisha damu yake. Nakwambia amekuwa anakuhitaji kwa haraka sana, hata hivi anaona umechelewa. hivi sasa nilikuwa nataka kutuma teleksi nyingine".

"Mama yangu mzazi! mtafikiri nina roketi yangu mwenyewe!".

"Ngoja nimwambie kwamba umefika. Akifungua mlango kisha atukute tunapga soga sijui atafanya nini. Huenda atapasuka!".

"Mwache apasuke! Mnafikiri kunikatisha likizo yangu nilijisikiaje. Utadhani moyo wangu umetengenezwa kwa chuma, na wake kwa udongo".

"Kamwambie mwenyewe hayo huko ndani", Maselina alijibu akimwemwesa huku akiinua simu.

Huyu Maselina tumefanya kazi pamoja kwa muda mrefu kiasi ya kwamba uelewano wetu hauwezi kuelezeka kwa maneno. Huenda siku moja nitapata maneno ya kueleza, ila tu kwa leo naweza kusema ni rafiki yangu mkubwa.

"Chifu, namba moja yuko hapa", Maselina alitamka katika simu.

Nambari moja, ndivyo nilikuwa najulikana kikazi. Katika kazi yetu sisi hutumia namba, mimi nilikuwa namba moja hivyo unaweza mwenyewe kuchekecha ukajuwa kwa nini. Mimi Willy si mtu wa majivuno. Watu wengi, hasa wakubwa wa serikali walinijua kwa hii namba yangu. Wengi walikuwa hawajui namba moja ni Willy Gamba, ila kwa watu wachache sana. Hii ilinipa fursa hata nyumbani Dar es Salaam nijulikane kama mfanyabiashara wa kawaida tu, na si Willy Gamba ambaye ni namba moja katika Idara ya Usalama, Tanzania.

Maselina aliweka simu chini.

"Nenda ndani mara moja".

Nilifungua mlango, na nikamkuta Chifu akitembea toka kona moja ya chumba hadi kona nyingine. Kwa mtu ninayemfahamu nikajua hapo alipo alikuwa na matatizo makubwa sana yaliyomsakama rohoni mwake.

"Kaa chini namba moja', Chifu aliamru.

Chifu anaponiita kwa namba yangu ya kazi ujue kuna jambo kubwa.

nilivuta kiti nikaa, yeye akazidi kutembea kona hadi kona nyingine, hatimaye akasimama nyuma ya kiti chake.

"Nashukuru kwa kufika kwako mapema, namba moja ndio sababu nakutegemea sana".

"Asante", nilijibu halafu nikaendelea.

"Mbona hivi, nini kinakuwasha?".

Alichukuwa mtemba uliokuwa mezani, akafungua mkebe wa tumbaku akaijaza, kisha akawasha na kuanza kupuliza. Alipuliza mara mbili, halafu akazungusha kiti chake ambacho kinazunguka kwenye tendegu, akaketi.

"Kina jambo kubwa limetokea!".

Aliweka mtemba wake mezani na kuweka mikono yake kwenye mezani.

Akaniangalia machoni, huku macho yake yakionesha ukali wake.

Akili yangu ikiwa tayari kusikiliza jambo hili huku moyo ukinidunda.

Utanisikiliza, utauliza maswali baadaye".

Sawa".

"Nafikiri nitaanza toka mwanzo. Ingawaje mambo mengine unayajua, nitayarudia tu kwa ajili ya umuhimu wa habari yenyewe ilivyo, unaonaje?".

"Utakavyoona wewe Chifu".

"Unajua nchi yetu inalea vyama vingi vya wapigania uhuru. Kama vile vyama vya wapigania uhuru toka Zimbabwe, Afrika Kusini n.k. Pamoja n a kulea vyama hivi tunawapatia vijana wao ya kijeshi. Kwa vile mafunzo mengi yanapatikana hapa na makao makuu ya vyama hivi yapo hapa, basi silaha zao vile vile zinapitia hapa na sisi tunazipokea toka nchi rafiki na kuwapa wanaohusika.

"Hapa tuna vyama viwili vya wapigania uhuru katika Afrika kusini. Vyama hivi ni 'The Peoples liberetion Front, of South Afrika (PLF)" kinachoongozwa na Ndugu Cecil Chimalamo na South Afrika National Party (SANP) kinachoongozwa na Ndugu Ray Simbuche. Miezi sita iliyopita Ndugu Cecil Chimalamo wa PLF alikwenda Urusi ambako alioba msaada wa silaha na akaahidiwa kupewa silaha hizo ambazo zingepelekwa Dar es Salaam mnamo muda wa miezi sita.

"Wiki iliyopita Ubalozi wa Urusi wa hapa mjini ulipata karatasi za maelezo ya silaha hizi ambazo tayari zilikuwa zimeshapakiwa kwenye meli siku nyingi na zilikuwa njiani kuwasili Dar es Salaam. Na makaratasi haya yalisema meli hiyo itawasili mjini hapa mnamo wiki hii'.

"Basi yalipofika, ubalozi uliyashughulikia kikamilifu kwa upande wake, kisha ukayapitisha kwenye kamati ya ukombozi ya Umoja wa Nchi Huru za Afrika (OAU), maana kamati hii ndiyo inashughulikia mambo haya kama unavyofahamu. Kamati nayo ilianza kuzishughulikia karatasi hizi mpaka zikawa tayari, wakawa sasa wanangoja meli kufika. Habari kutoka kwenye Wakala wa Meli zilieleza kuwa meli hiyo itaingia bandarini Dar es Salaam tarehe tatu mwezi huu ambayo ilikuwa juzi ile".

"Baada ya kupata habari hizi kamati ilipanga pamoja na ofisi ya mambo ya silaha za wapigania uhuru pia na maofisa wa bandari wanaohusika kuwa mizigo hiyo ipakuliwe usiku wa tarehe nne yaani juzi kuamkia jana. Kwa sababu karatasi zote zilikuwa zimekamilika na sehemu zote zikiwa na habari kamili, pande zote zilikaa zikisubiri silaha hizo mnamo siku hiyo kama ulivyopangwa".

Chifu alichukua mtemba wake tena akavuta kidogo kisha akauweka juu ya meza.

"Nafikiri umenielewa mpaka hapo?".

"Wakati huo mpango hii yote ya kupakua mizigo hii, ofisi ya PLF ilikuwa ikishirikishwa?", niliuliza.

"Ndio, kwa sababu huwa wanaelezwa mambo yote yanavyokwenda, hivyo huwa wana habari kamili ya mambo yote. Naweza kuendelea?".

"Unaweza".

"Sasa jambo la kushangaza likatokea juzi. Maofisa wa ofisi ya jshi la ulinzi inayoshughulikia silaha za wapigania uhuru walikwenda kwenye ofisi ya kamati ya ukombozi juzi mnamo saa nne ili kuchukua karatasi hizo za mizigo, wapate kijitayarisha kwa upakuaji wa mizigo hiyo wakati wa usiku. Walipofika kwenye ofisi hii wakakuta ofisa anayehusika hajafika kazini. Ikabidi wamwone ofisa wa juu katika ofisi hiyo kumweleza umuhimu uliopo wa kuandaa kupakua silaha hizo usiku.

"Huyu ofisa wa juu katika ofisi hii ya kamati naye alisema kuwa alikuwa ameshangazwa kwanini ofisa huyo alikuwa hajafika kazini. Hivyo wote kwa ujumla wakaondoka kuelekea nyumbani kwa ofisa huyo kuona kama anaumwa aweze kuwaelekeza wapi walipoziweka karatasi hizo. Huyu ofisa alikuwa akikaa sehemu za Upanga, Barabara ya Umoja wa mataifa, nyumba namba 1168".

"Walipofika nyumbani kwa ofisa huyo walimkuta mfanyakazi wake akiwa nje. Walipomuuliza kama wenye nyumba wapo aliwajibu kuwa yeye hakai hapo ila huwa anakuja kila asubuhi lakini alipofika asubuhi hii alikuta milango yote ya kuingilia ndani ya nyumba imefungwa. Hivyo mpaka muda huo alikuwa anasubiri kwani alifikiri wametoka. Ofisa huyo alikuwa anakaa yeye pamoja na mke wake na walikuwa bado hawajapata watoto. Ofisa mmoja wa jeshi alikwenda kuangalia gereji akakuta gari la ofisa huyu lipo na lilikuwa bado halijatoka. Kitu hiki kilimtia mashaka akawaeleza wenzake na akashauri wajaribu kuingia ndani ya nyumba huenda walikuwa bado wamo ndani. Kwani kama kutoka wangekuwa wametoka na gari lao, walikubaliane wavunje mlango wa kuingilia ndani".

Chifu alinyamaza kidogo akainua macho yake kuniangalia.

"Walishtushwa kwa kumkuta ofisa huyu amepigwa risasi amekufa sebuleni, huku akiwa amevalia vizuri kabisa kuonyesha kuwa alikuwa anatoka matembezini. Halafu ukumbini walimkuta mke wa ofisa huyo naye amepigwa risasi amekufa huku akiwa amevalia nguo za kulia. Haapo hapo wakanyanyua simu na kutoa ripoti ya vifo hivi kituo cha polisi Oysterbay ambacho hakikuchelewa kutuma maofisa wao kwenye nyumba hiyo. Baada ya polisi kufika, maofisa hao wa jeshi na ofisa kutoka kamati ya ukombozi ilibidi warudi upesi kwenye ofisi ya kamati, maana vifo hivi vilileta wasiwasi".

Wakati wote huu akieleza, mimi nilikuwa kimya kabisa na akili yangu ilichemka niliposikia habari hizi za mauaji.

"Halafu ikawaje?".

"Walirudi ofisi za kamati upesi upesi, na kuanza kutafuta makaratasi haya ya mizigo kila mahali ofisini hapa, lakini hawakuona kitu. Hapo ndipo jasho lilipowatoka. Jambo hili liliwapa wasiwasi zaidi ikabidi wakimbilie bandarini kutoa habari kwa maofisa wa bandari kuwa karatasi zimepotea".

Chifu macho yake yaliwaka nikajua karibu anasema kitu cha kustua.

"Walipofika katika ofisi za bandari, ofisa anayehusika na habari hizi, walipomweleza kuwa makaratasi yamepotea, alishangaa sana, ndipo mwishoni akawaeleza kuwa silaha zilikuwa zimeisha chukuliwa usiku uliokuwa umepita na wanajeshi waliovalia nguo za jeshi la ulinzi na wakiwa na karatasi zote za kuchukulia silaha, zikiwa kamili kabisa. Walikuwa wamefika na magari ya jeshi la wananchi, hata akawatolea namba za magari. Kundi hili lililochukua silaha liliongozwa na mtui aliyevalia nguo za cheo cha meja. Kusikia hivi kundi lote lililofika kwenye ofisi ya bandari lilichoka kabisa.

"Lakini si walikuwa wamekubaliana na ofisi ya bandari kuwa watapakua usiku wa juzi kuamkia jana, ilikuwaje yeye akaruhusu mizigo ipakuliwe usiku wa juzi ile kuamkia juzi?".

"Huko ndiko nakuja kufafanua. Ofisa wa bandari alieleza kuwa mnamo terehe tatu mwezi huu ambayo ni juzi ile kiasi cha saa kumi alipata simu toka ofisi ya Kamati ya Ukombozi. Simu hii ilikuwa inatoka kwa ofisa wa juu katika Kamati ya Ukombozi anayeshughulikia mambo ya silaha, Ndugu Jones Mantare. Ambaye ndiye aligundua maiti ya ofisa huyo wa kamati akiwa pamoja na wanajeshi. Yeye anasema sauti ya Jones Mantare anaifahamu maana ameshughulika naye siku nyingi, na sauti hii aliyoisikia kwenye simu ilikuwa kama ya Mantare hivyo akaamini kuwa anazungumza na Mantare".

"Simu hiyo ilieleza kwamba, kwa ajili ya usalama ratiba ya upakuaji silaha imebadilika, kwa hiyo silaha zilikuwa zipakuliwe siku hiyo hiyo kuanzia saa mbili za usiku kwani silaha zilikuwa nyingi. Hivyo akasema amtegemee meja mmoja wa jeshi kwa jina la Paul Liboi, atakuja pamoja na askari wa jeshi la wananchi kutoka kwenye ofisi inayoshughulikia silaha za wapigania uhuru ambaye atashughulikia kazi hiyo. Kwa hiyo, anasema alimwomba aiweke hiyo meli tayari kwa kupakuliwa saa mbili usiku. Yeye alikubali bila masharti maana kazi ya silaha ni muhimu".

"Na mnamo saa kumi na nusu wakati akishughulika na kutoa amri ya meli hiyo kupewa nafasi kwenye geti alipata mgeni mwingine. Mgeni huyu alijitambulisha kwa jina la Andrew Mwambina ofisa usalama toka kamati ya ukombozi ya OAU. Alitoa kitambulisho chake na ofisa huyu wa bandari alivyokiona kilionekana halali maana ameshawahi kuona vitambulisho vya watu hawa. Mtu huyu alimwuliza kama amepata habari kuwa upakuaji umebadilishwa na ilibidi silaha zipakuliwe usiku huo saa mbili. Yeye alikubali kuwa amepata ujumbe na muda huo alikuwa anashughulikia jambo hilo. Ofisa huyo wa usalama alimwaga na kumwambia yeye na wenzake watakuwepo kikazi kama kawaida, akaondoka".

"Kwa taarifa yako. Namba moja maafisa watatu wa usalama wa Kamati ya Ukombozi ambao walipangiwa kufanya kazi bandarini tangu ilipofahamika kuwa meli hiyo inaingia walikuwa wameuawa na maiti zao zilikutwa sehemu ya Shimo la Udongo jana jioni".

Chifu alitua kidogo kupuliza mtemba wake.

"Taarifa ya ofisa wa bandari iliendelea kusema kuwa ilipofika saa mbili kamili za usiku magari manne ya jeshi tani kumi na mbili kila moja yaliingia. Na mtu aliyejitambulisha kama Meja Paul Liboi alifika ofisini kwake akiwa amevalia kijeshi na cheo chake kwenye mabega. Yeye alisema amekuja kushughulikia upakuaji wa silaha na kwamba aliamini ameshapewa habari na kamati ya Ukombizi mapema, na akatoa karatasi za kupokelea mizigo ya silaha ambazo zilikuwa sawa".

"Yeye alimjibu kwamba alishapata habari na mipango yote ilikuwa tayari, hivyo baada ya kumaliza shughuli za makaratasi alitoka na Meja huyu na kuwaelekeza meli ilipokuwa tayari kwa upakuzi. Aliendelea kueleza kuwa magari haya manne yalikuwa na askari wengi waliovalia kijeshi. Hivyo silaha zilianza kupakuliwa saa tatu na kufikia saa kumi alfajiri gari la mwisho liliondoka. Silaha zilikuwa nyingi sana za kisasa na za hali ya juu. Nafikiri umenielewa mpaka hapo".

"Ndio nimekuelewa".

"Sasa kitu cha kutia huzuni ni kwamba silaha hizi zimepotea hazijulikani zilipo. Na wala watu na magari yaliyochukuwa silaha hizi hayajulikani yalipo mpaka dakika hii tunapozungumza. Idara ya polisi imejaribu kutafuta lakini mpaka sasa hawana hata fununu. Huu ni wizi wa silaha uliopandwa barabara na kwa serikali yetu hii ni "KASHFA", kwa taarifa yako habari hizi zimevunja na zimeshatangazwa na nchi za Magharibi pamoja na Afrika Kusini juu ya tukio hili. Na tayari nchi adui za Tanzania zimeanza kuropoka ovyo ili kulichafua jina la nchi hii".

"Mimi ninadhani hizi ni hila na Njama za mabeberu, wapinga mapinduzi wa mapambano Kusini mwa Afrika. Nia yao ya kufanya hivi ni kutaka mambo matu. Nia yao ya kwanza ni kuhujumu, kuchukua silaha hizi kusudi zisiwafikie wapigania uhuru ambao mapambano yao huko Kusini mwa Afrika sasa yanapamba moto, maana silaha hizi zilikuwa za kisasa na zingalifika kwenye uwanja wa mapambano wanajua wangepata cha mtemakuni. Kwa hiyo hizi ni njama za kuhakikisha kuwa silaha hazifiki kwenye uwanja wa mapambano".

"Pili, wanataka kulipaka matope jina la Tanzania kwa vile Tanzania imeamua kuongoza ukombozi kusini mwa Afrika sasa ina maadui wengi sana, na maadui hawa wameanza kulipaka matope jina la Tanzania na kusema kuwa Tanzania huzitumia hizi silaha kwa majeshi yake. Wendawazimu wengine wameendelea kusema eti Tanzania kwa muda mrefu imekuwa inatumia misaada inayotolewa kwa faida yake!".

"Hivi hili jambo si geni. Nia yao ya tatu ni kutaka kuzikatisha tamaa nchi rafiki zinazotoa misaada kwa wapigania uhuru, zisizidi kufanya hivyo, kwa kufikilia kuwa wanapoteza mali zao kwa kufanya kazi ambazo wao hawakuzipangia. Kwa hiyo, namba moja unaona hali ya hatari nchi yetu ilimo".

"Lo! ni hali mbaya sana. sasa sisi tunatakiwa kufanya nini?".

"Jambo hili sasa linashughulikiwa na Idara ya polisi na ofisi ya usalama. Upelelezi wao bado unaendelea na ni mkali sana. Katika usiku wa kuamkia jana serikali imeamua sisi lazima tulishughulikie jambo hili. Maana inaamini wizi huu uliofanywa ni wa kimataifa, hivi polisi hawakuzoea kupambana na hali kama hii. Kwa hiyo ingawake wao wataendelea na shughuri zao, sisi itabidi tujishughulishe kikamilifu juu ya jambo hili maana ni kima chetu polisi wameagizwa kuleta nakala ya ripoti zao zote za upelelezi wanaoufanya. Hii itafanya kupata habari nyingine ambazo zitatusaidia sana".

"Serikali inataka jambo hili litatuliwe haraka kusudi tuweze kuwafichua hao maadui zetu wanaotaka kutupaka matope, maana itabidi tuionyeshe jumuia ya ulimwengu jinsi maadui zetu wanavyojaribu kutupiga vita kwa ajili ya msimamo wetu thabiti katika ukombozi wa Afrika. Na hatuwezi kufichua ukweli wa jambo hili mpaka hapo tutakapowakamata hawa waliofanya kitendo hiki. Kwa hiyo kazi yetu sasa ni moja tu, nayo ni kuwakamata watu hawa. Na wewe namba moja umepewa jukumu hili kubwa la kulinda hadhi ya nchi yako, Tanzania. Una maswali?".

"Nipe muda kidogo nifikiri".

Nikasimama na muda huu kwa ajili ya mafikara niliyokuwa nayo nilianza kutembeatembea toka kona hadi kona ya chumba kama nilivyomkuta Chifu akifanya. Ilionekana Chifu alijisikia nafuu baada ya kutua mzigo huu kwangu ikawa zamu yangu kubanwa na mawazo ya tukio hili.

"Hizi habari zimevujaje?".

Niliuliza hukU bado natembeatembea nimeinamisha kichwa chini.

"Naamini, maharamia hao hao ndio wamezitoa ili wafanikishe moja ya shabaha zao. Yaani kuivunjia Tanzania hadhi".

Mara moja nikawakumbuka Sherrif na Veronika nikajuwa lazima habari hizi zilikuwa zimeshafika ofisi za gazeti la Afrika na Sherrif alikuwa anakuja Dar es Salaam ili kuja kuchunguza na kuandika juu ya tukio hili. Katika mipango yangu iliyokuwa inapita kichwani nilipata pointi moja ya kunisaidia.

"Huyu Jonas Mantare anasemaje juu ya tukio hili?".

"Baada ya kupata maelezo ya ofisi ya bandari, mara moja polisi walimkamata Jonas Mantare kwa kusaidia polisi katika uchunguzi, yeye alipoulizwa kama yeye ndiye aliyepiga simu, alikataa kabisa, na kukataa kwake kumedhihilishwa na Mwenyekiti wa kamati ya ukombozi kuwa Mantare alikuwa ofisini mwake toka saa tisa mpaka saa kumi na moja siku hiyo wakifanyakazi pamoja na wala hawakutoka hata dakika moja katika muda wa masaa hayo mawili".

"Kwa hiyo kutokana na usemi wa ofisa wa bandari, kuna mtu mwingine aliyeiga sauti ya Mantare. Hii ina maana mtu huyu amemzoea".

Nikarudi na kuketi kwenye kiti kwani akili zilianza kufanya kazi. Kwa mara ya kwanza nilitoa paketi yangu ya sigara nilizokuwa nimenunua katika ndege, nikaanza kuvuta.

"Bila ya shaka", Chifu alijibu.

"Ofisa huyo aliyeuawa anaitwa nani?".

"Anaitwa Kamara Frank, yeye ni mwenyeji wa Sierra Leon".

Unaona sasa mambo yanavyokuwa huyu mtu alikuwa rafiki ya Sherrif kama unakumbuka.

"Daktari anafikilia Frank na mkewe walikufa saa ngapi?".

"Daktari anakadilia kuwa walikufa kati ya saa sita na saa nane usiku. Na inavyoonekana ni kuwa kuna wakati alikuwa amefungwa kamba, maana alama zinaonekana kwenye mikono na miguu".

"Sasa Chifu kuna jambo moja ambalo lazima tuelewane. Tangu nimeanza kazi hii nimekuwa nikifanya kazi zangu nje ya Tanzania. Hapa nyumbani najulikana kama mfanyabiashara tu. Lakini kama nikianza shughuli hii lazima nitajulikana hasa mimi ndiye nani. Unasemaje?".

"Nani anajali", alifoka Chifu kwa sauti ya juu. "Kitu ninachotaka mimi ni kuona jambo hili linatekelezwa na washenzi hawa wamekamatwa. Kama itabidi ujulikane potelea mbali!".

"Lakini Chifu..."

"Hamna cha lakini hii ni amri ya serikali na serikali inataka matokeo juu ya suala hili na mapema iwezekanavyo".

Nilijuwa kuwa kweli iko kazi kama kweli Chifu kakubali mimi nitambulike kirahisi hivi nilikaa nikaanza kufiri jinsi ninavyoweza kufanya upelelezi wa tukio hili bila kutambuliwa maana mimi sikuwa nataka kabisa nijulikane kama mimi ni mpelelezi hapa nyumbani. Kwani watu wengi Tanzania wanajuwa wana mpelelezi mashuhuri, kiasi cha kujitapa mitaani lakini hawajui kuwa ni mimi Willy Gamba. Na hivi ndivyo nataka, vinginevyo kila nitakapokuwa napita nitakuwa nafuatwa na kundi la wapenzi.

"Najuwa waandishi wa habari toka nchi za nje watakuwa na shauku kubwa kuja kuandika habari hizi. Kuna msimamo gani?".

"Haturuhusu waandishi wowote toka nje. wamezuiliwa mpaka hapo tutakapojuwa msimamo kamili wa jambo hili. La sivyo watakuja kuzidi kuchafua mambo hapa. hatutawaruhusu kabisa idara ya uhamiaji imeshaelezea na imeshatoa amri kwa vituo vyake, na jambo hili limeanza kutekelezwa. Asubuhi hii nchi za Magharibi zimelalamika kusikia haturuhusu waandishi wa habari toka nje.

Nilichukua nafasi hii kumweleza Chifu juu ya kukutana kwangu na Veronika Sherrif. Nikaendelea kumweleza kila kitu juu ya kuja kwao hapa.

"Hivyo nahisi gazeti la "Afrika" linawatuma waje kwa ajili ya tukio hili. Ni lazima wameishapata habari".

"Hawataruhusiwa kuingia".

"Mimi naomba hawa waruhusiwe kwa sababu nafikiria kuwatumia katika shughuri hii".

"Haiwezekani, watakuja tifua mambo tu, sitaki kuona waandishi wa habari toka nje!", Chifu alifoka huku akionyesha hasira.

"Sasa Chifu, ni lazima tuelewane, hili jukumu umenipa mimi. Na inabidi mimi mwenyewe nipange ninavyoona, jinsi nitakavyoweza kulitatua tatizo hili, na kama sasa hatuwezi kukubaliana, sijui shughuli itawezekanaje?".

Chifu alinyamaza kwa muda mrefu.

"Hebu ni majina kamili ya watu hao".

Nikampa. Akainua simu, akazungumza na Maselina.

"Hebu angalia kwenye mafaili ya waandishi wa habari hasa waandishi wa gazeti la "Afrika", angalia kama kuna faili zozote za majina ya Veronika Hamadu na Ahmed Sherrif wote kutoka Sierra Leon".

Akaweka simu chini, tukasubiri katika ukimya. Baada ya kitambo kidogo Maselina alifungua mlango akaingia na mafaili mawili, akampa Chifu. Chifu alipoinama kuyafungua kusoma,
Maselina alinikonyeza na kufua mlango, akatoka nje.

Chifu alisoma faili la kwanza, alipomaliza akanitupia. Lilikuwa faili ya Ahmed Sherrif. Na mimi nilianza kulipitia kwa makini sana nilipomaliza kulisoma Chifu alikuwa nae amemaliza kusoma faili la Veronika Hamadu, akanitupia. Nilisoma faili la Veronika kwa makini vile vile, lilikuwa na habari zilizonifanya nitabasamu mara kwa mara mpaka nilipomaliza. Nilikuta Chifu ameegemea kwenye kiti chake akaniangalia kwa makini.

"Oke, wataruhusiwa kuingia, inaonekana wanaweza kuwa wa manufaa kwako. Sijui unataka kuwatumiaje, kama hutajari kunieleza".

Baada ya kuwa nimesoma mafaili ya watu nilikata shauri namna ya kushughulika nao. Hivyo nilionelea juu ya mipango yangu maana huyu mzee kichwa chake kinafanyakazi. Kama akiona kuna kitu chochote hakifai atanikosoa mara moja. Waliompa kazi hii ni dhahiri walichagua mtu hasa anayefaa. Sidhani kuna mtu wa uwezo kama wake katika kuongoza kazi hii katika nchi hii. Yeye hiki ni kipaji alichopewa na Mungu. Na maendeleo yote ya idara hii ya upelelezi yamefanikishwa na uongozi wake ulio thabiti na wa busara.

"Mimi bado nahitaji kufanya upelelezi katika tukio hili, kujulikana kuwa mimi ni mpelelezi kwa watu wengi. Hivyo nimepanga kuwa kampuni yetu Afrikan International Agencies itakuwa wakala wa gazeti la Afrika. Kwa kufanya hivyo kampuni hiyo itawapokea hawa waandishi wa gazeti hilo kama wageni wake kwa sababu mimi najulikana kama meneja mkuu wa kampuni hivyo nitaandamana nao katika kutafuta habari zao nikiwa kama mwenyeji wao na kwa vile nafahamika hapa Dar es Salaam, nitawaongoza na wakati huo huo nitakuwa nafanya upelelezi wangu. Kwa kufanya huvi nitaweza kushughulika bila kutambuliwa kuwa mimi ni nani na ninafanya nini. Mpango kamili nitapanga na nitakueleza".

Alikaa kimya kutafakari mpango wangu.

"Vizuri sana, namba moja, akili yako inafanyakazi. Nimeishaona shughuli yote itakavyokuwa kwa urefu. Mpango wako ni mzuri, endelea nao. Unafikiri hawa waandishi watafika saa ngapi".

"Si zaidi ya usiku wa leo".

"Oke nitapeleka habari sasa hivi watu hawa waruhusiwe kuingia. Wewe nenda sasa ukapumzike maana najua haujalala tengeneza mpango wako wote wa upelelezi huo, na uniletee kesho asubuhi. Lakini kumbuka kazi hii ni kubwa na ya haraka, hivyo msaada wowote utakaoutaka utapewa. Ofisi yote imeweka kando kazi nyingine mpaka tutakapoona mwisho wa kazi hii. Mungu akusaidie kama amnavyo amekusaidia siku zote. Nina imani na wewe Willy. Najua utafanikiwa. Kwa heri Willy mpaka baadaye, kapumzike".

Chifu anapoanza kuniita Willy ujuwe kuna kitu kimemfurahisha hasira na wasiwasi wake umepungua. Na anakuwa na imani kuwa kazi itafanyika.

"Asante", nilijibu.

Niliangalia saa yangu. Ilikuwa saa saba za mchana mkutano huo ulikuwa umechukua muda mrefu sana. Nilimwaga Chifu nikamwahidi kumletea nakala ya mpango wangu wa operesheni hii asubuhi.

Nilifungua mlango nikaingia ofisini kwa Macelina.

"Kazi kubwa unayo, pole sana Willy".

"Nitafanyaje Macelina, mimi mwenyewe nilikubali kazi hii sasa siwezi kurudi nyuma. Na vile vile kwa sababu tukio hili linahusu wapigania uhuru, niko tayari kabisa kwa lolote. Wewe mwenyewe unajuwa moyo wangu ulivyo juu ya ndugu zetu wanaoteswa huko Kusini mwa Afrika".

"Naelewa Willy, naelewa sana roho yako ilivyo juu ya ukombozi wa Afrika Kusini. Vijana wote wa Kiafrika wangekuwa na roho kama yako sasa hivi kungekuwa hakuna ukoloni Afrika".

"Asante kwa kunipa moyo".

"Usiwe na wasiwasi, naamini mungu atakusaidia kama siku zote, maana wewe unatetea wanyonge wanaoonewa. Hata hivyo tukio hili n hatari kuliko mengine yote. Pole sana".

"Asante tena Maselina. Vipi huendi kula mchana?. Twende nikakununulie chakula cha mchana".

"Ngoja nimwage Chifu".

Maselina aaliingia ndani, alipotoka akasema ameruhusiwa muda wa saa moja tu saa nane ilimbidi awe kazini.

"Yeye haendi kula?".

"Ana vitafunio vyake humo ofisini, ndio hatoki tena. Huyu mzee kazi itamwua".

"Shauri yake. Yeye ameshaula kidogo si kama sisi. Miaka sitini ni miaka mingi.

Maselina alichukua mkoba wake tukaondoka.



                                       III
Niliingia ofisini kwangu mnamo saa nane baada ya kupata chakula kitamu na Maselina.

"Linda nipeleke Colt Motors nikachukue gari langu".

"Hamna taabu bosi, twende zetu", Linda alijibu huku akichukua mkoba wake. Gari langu ni aina ya Colt GallantCoupe hivyo kila nikisafiri huwa naliacha kwenye kampuni yao.

"Vipi bosi, naona umeitwa shauri ya wizi wa silaha wa majuzi", Linda alinidadisi.

Huyu katibu wangu mahsusi alikuwa amefanya kazi nasi kwa muda wa miaka minne na mwaka huu alifikia kiasi cha kuaminika sana na kupewa nafasi ya kuwa katibu mahsusi wa Namba Moja.ambacho ni cheo cha juu sana. Kwa upande wa makatibu mahsusi yeye alikuwa amejipatia nafasi ya pili ya kuaminika baada ya Maselina. Alikuwa msichana mwenye akili nyingi, na alikuwa mzuri wa urubi. Alikuwa na kila sifa anazostahili katibu mahsusi kwa mpelelezi wa hali kama yangu. Nilimpenda kwa jitihada zake za kazi na nilimtegemea bila wasiwasi.

"Ndio Linda, matatizo kila wakati hutokea wakati niko katika kilelel cha maraha, sijui mkosi gani huu.

"Mimi huwa naamini huwa unapata raha fulani katika pilika pilika zako, maana kila ukimaliza shughuli fulani huwa nakuona katika hali ya furaha sana".

"Hiyo inatokana na kumaliza kazi yangu katika hali ya kuridhisha".

"Unafikiri watu hawa wameiba hizi silaha kusudi wazitumie kupindua serikali?", Linda aliuliza.

"La hasha, wanajua hawawezi kabisa kupindua serikali, maana wananchi wote wa nchi hii wamejidhatiti katika ulinzi. Mimi nafikiri wana sababu nyingine, na sababu hii nitaipata katika muda si mrefu".

Saa nane hii magari yalikuwa mengi maana watu wengi walikuwa wanarudi makazini. Hivyo barabara hii ya Pugu ilikuwa na msongamano wa magari. Linda alitumia ujuzi wake wote ili kujipenyezapenyeza tuweze kufika upesi.

"Lazima nikupeleke upesi bosi maana najua una bonge la usingizi".

"Ndio sababu sikuchukii Linda, maana huwa ndiye mtu unayenionea huruma, wewe na Maselina, wengine wote wanafikiri mimi nimetengenezwa kwa chuma".

"Hata mimi lazima niungame kuwa huwa vile vile nafikiri wewe si binadamu wa kawaida maana mambo unayofanya nashindwa hata kueleza".

"Taa kwenye barabara hii zimezidi, hapa na pale taa, nadhani ndizo zinazosababisha msongamano wa magari", Linda alilalamika wakati tukiwa tumesimamishwa kwenye taa za usalama barabarani za karibu na Shirika la Usagaji na ofisi za Tazara..

"Hata mimi nafikiri hivyo hivyo. Nafikiri barabara hii ingefanywa barabara muhimu, na magari yote yatakiwe kwenda kasi, tuseme si chini ya kilomita themanini kwa saa. Hii ingesaidia watu kufika kazini haraka au wasafri wanaosafiri kwa ndege wasingekuwa na wasiwasi wa kuchelewa kama ilivyo hivi sasa".

Tulipoingia Colt Motors tulimkuta meneja ndio anarudi kipindi cha alasiri.

"Mbona umerudi haraka nawe ulisema utarudi baada ya wiki tatu?," meneja wa karakana aliniuliza.

"Nilipata habari kuwa mama anaumwa ikabidi nirudi haraka sana".

"Oh pole sana, kuna kitu chochote tunaweza kusaidia?".

"Asante sana, nimemwona; anapata matibabu ya kutosha huko hospitali ya Muhimbili".

"Kama utahitaji msaada wakati wowote usisite kusema".

"Asante, nitakumbuka", nilijibu.

Tulikuwa tumejenga uhusiano mzuri wa kibiashara na kampuni hii. Nilifuatana na Linda mpaka kwenye gari lake nikachukua mfuko wangu.

"Linda itabidi umwambie Godwin aweke watu wa kuaminika sana kwa usiku wa leo maana nategemea wageni. Akipata habari zozote anieleze moja kwa moja nyumbani, mimi sitakwenda mbali leo. Nitatoka kidogo saa mbili hivi na nitakuwa Palm Beach Hoteli kwa chakula cha jioni, lakini baada ya chakula nitarudi nyumbani.

"Usiwe na sahaka, yote yatatekelezwa kama ulivyotaka".

Tuliagana mimi nikaingia ndani ya gari langu na kuelekea nyumbani kwangu Upanga.


                                          IV
Wakati nilipokuwa nimeondoka, kwa kujua kwamba nitakaa nje karibu mwezi mzima, nilikuwa nimemweleza mfanyakazi wangu naye achukue likizo. Alikuwa amekwenda Morogoro.

Nilipofika nyumbani kwangu, nyumba ambayo iko barabara ya Upanga karibu na Hoteli ya Plm Beach, nilimkuta mlinzi niliyekuwa nimemwajiri kwa muda kutoka kampuni ya ulinzi.

"Hapa salama", niliuliza.

"Salama tu, Mzee", alijibu.

"Nimerudi, hivyo sidhani kama nitakuhitaji tena. Nitawapigia simu ofisini kwako, hivyo unaweza kuondoka.

"Asante sana Mzee", alijibu huku akiondoka.

Niliweka gari langu gereji, nikafungua mlango wa nyumba, nikaingia ndani. Nyumba ilikuwa shwali kabisa.

Nilipomaliza kuoga ilikuwa saa kumi kamili za mchana, nilijibwaga kitandani nikalala na kupata usingizi moja kwa moja. Nilipoamuka ilikuwa saa moja na nusu. Hivyo nilivaa nguo nikanawa uso na kuelekea Palm Beach Hoteli. Kwa sababu Palm Beach ni karibu na nyumbani kwangu nilitembea kwa miguu. Na nilipoingia Palm Beach niliagiza chakula nikaomba nipewe haraka kwa sababu mimi najulikana kwenye Hoteli hii, nilishughulikiwa haraka sana.

Nilikula chakula changu upesi upesi na kurudi nyumbani. Nilipofika nyumbani nilivaa nguo za kulalia na kuingia kitandani. Kwa vile nilikuwa na usingizi mzito nilikuwa nasikia uchovu tena nilijua huu ndio ulikuwa usiku wangu wa kulala, maana siku zifuatazo nilijua kulala kwangu kutakuwa haba kweli. Usingizi ulinichukua mara tu baada ya kujitupa kitandani.

Niliamswa na mlio wa kengere ya simu. Nilipoangalia saa yangu ilikuwa inasema yapata saa nane.

Niliinua simu.

"Hallo Gamba hapa".

"Hallo bosi habari za kulala?".

"Lo Linda vipi?, bado uko ofisini".

"Nilijua kazi uliyoagiza inaweza kuwa ya maana hivyo nilionelea niishughulikie mwenyewe".

"Oh, mtoto wewe, wacha kufanya hivyo wewe bado mdogo unahitaji usingizi wako, tuachie sisi mambo hayo".

"Ni lazima nianze kujikomaza, vinginevyo sitaweza kulingana na shughuli zako, maana nimejifunza toka kwa Maselina ambaye anaweza kukaa siku mbili bila kulala kama kuna kazi inayobidi kufanyika kiasi hicho. Hivyo na mimi lazima nijizoeze muda huo ufikapo nisiuone mgumu".

"Haya mama, nafikiri una sababu ya maana. Haya leta ujumbe, naamini hukunipigia kunielezea uko ofisini mpaka saa hizi".

"La hasha, kuna wageni wako wawili wameingia hapa mjini wameniambie nikupashe habari zao. Ahmed Sherrif amefikia New Afrika Hoteli na Veronika Amadu amefikia Kilimanjaro Hoteli. wanasema kama inawezekana uwapigie simu sasa hivi".

"Asante nitafanya hivyo. Sasa wewe nenda ukalale. Mpigie Juma aje aendelee na kazi maana nitakuhitaji kwa kazi kesho asubuhi".

"Haya bosi nitafanya hivyo".

"Kwa heri, kalale salama mtoto wewe".

"Asante", alijibu na kukata simu.

Niliinua simu tena na kupiga New Afrika.

"Hallo New Afrika Hoteli habari yako ndugu?".

"Nzuri".

"Nipe mapokezi".

"Oke".

"Hallo mapokezi hapa".

"Nina mgeni wangu hapa ameingia usiku huu anaitwa Ahmed Sherrif naomba kuzungumza naye".

"Subiri bado yuko hapa mapokezi".

"Willy hapa habari ya safari?".

"Ohoo Willy, ofisi yako inafanya kazi vizuri sana tayari umeshapata habari?".

"Ndio, mmefika salama?".

"Ndio salama, salimini".

"Tulifikiri hatutaruhusiwa kuingia kama waandishi wengine wanavyorudishwa uwanja wa ndege wasiingie Tanzania. Lakini sisi tumeruhusiwa ni ajabu sana".

"Usijali tutazungumza kesho".

"Oke tuonane hapa Hotelini saa nne maana nina usingizi tele hapa niliposimama".

"Oke, tutaonana saa hizo, lala salama".

"Asante sana Willy".

Nilikata simu kisha nikapiga Kilimanjaro Hoteli.

"Hallo Kilimanjaro hapa".

"Habari yako ndugu?".

Nilimsalimia Opareta.

"Nzuri".

"Nina mgeni wangu amefikia Hotelini kwenu hapo nafikiri bado yuko mapokezi anaitwa Veronika Amadu".

"Subiri amepelekwa sasa hivi chumbani kweke".

"Hallo", nilisikia sauti ya Veronika.

"Hallo binti hujambo?".

"Hallo Willy, hujambo mpenzi?".

"Sijambo mie, pole na safari".

"Asante nimepoa".

"Najua umechoka nilitaka kujua tu kama umfika salama".

"Nimefika salama. Njoo unione saa tatu hivi kesho nitakuwa nimeisha amka".

"Uko chumba gani?".

"Niko orofa ya pili 208".

"Oke binti, tutaonana asubuhi".

"Ukifika gonga mara mbili haraka haraka, halafu ya tatu subiri kidogo halafu gonga nitajua ni wewe".

"Asante nitafanya hivyo".

"Kwa heri mpenzi, tutaonana asubuhi".

"Asante, kwa heri".

Niliweka simu chini nikalala ili nipumzike tayari kwa shughuli za asubuhi.

Kwa wasomaji wa Blog hii

2011-12-27T00:51:00.000-08:00

Mwandishi wa Blog hii Nyakasagani Masenza (pichani), anaomba radhi kwa wasomaji kwa kutoendelea na Hadithi ya kusisimua ya NJAMA, tunaomba radhi kwa usumbufu huo, na leo tutaendelea kuwaletea uhondo uliomo ndani ya kitabu hicho. Kwa mawasiliano zaidi tupigie 0754296253, 0784296253 na 0717522388, Dar es Salaam, karibuni sana

2011-12-26T23:49:00.000-08:00

Miss Mbulu Mariam Shabani aliyepata zawadi ya TV ya nchi 18, sh.50,000 na line ya airtel yenye muda wa maongezi wa sh.5,000, akiwa katika picha ya pamoja na mshindi wa pili Avilla Leonard aliyepata sh.100,000 na line ya airtel na mshindi wa tatu Agness Ventura aliyepata sh.75,000 na line ya airtel.Nyuma yao ni Miss Mbulu kupitia vipaji maalum Janeth John na mshiriki wa 4 hadi 9 waliopata sh.50,000 na line za airtel yenye juzi

Ofisa Maendeleo ya Jamii Wilayani Mbulu Heri Senjela, aliyekuwa mgeni rasmi kwa niaba ya Mkurugenzi Mtendaji Simon Mayeye,akitoa zawadi kwa Miss Mbulu 2011, baada ya kutwaa taji hilo juzi..

Akutwa na SMG Shinyanga, Polisi wakamata wengine 97 kwa unyanyi

2011-12-26T07:52:00.000-08:00

JESHI la Polisi Mkoani Shinyanga limekamata watu 97 wanaotuhumiwa kwa vitendo

vya uhalifu akiwemo aliyepatikana na silaha aina ya SMG na risasi 696.
 
Kamanda wa Polisi wa Mkoa wa Shinyanga, Bw. Diwani Athumani amesema watuhumiwa

hao walikamatwa mwezi Novemba na Desemba kufuatia operesheni maalum iliyofanywa

na polisi kwa ajili ya kuwasaka watu wanaojihusisha na vitendo vya uhalifu.
 
Kamanda Athumani alisema katika operesheni hiyo mtuhumiwa mmoja alikamatwa

akiwa na bunduki mbili, moja ikiwa aina ya SMG na gobole lililotengenezwa

kienyeji.
 
Alisema mbali ya bunduki hizo pia alikamatwa na risasi 696 zinazotumika

kwenye bunduki za SMG na SAR ambazo zinahisiwa kutumika katika matukio

mbalimbali ya unyang’anyi wa kutumia silaha.
 
Alisema watuhumiwa 37 walikamatwa wakiwa na bangi kilo sita na nusu,

misokoto 257 na miche 18, ambapo watuhumiwa 56 walikamatwa wakiwa na

pombe haramu aina ya gongo..
 
Katika operesheni hiyo polisi walifanikiwa kumkamata mtuhumiwa aliyekutwa

na noti bandia za shilingi 10,000 ambapo watuhumiwa wawili walikamatwa na

kilo 17 za mirungi na mwingine alikamatwa akiwa na meno sita ya tembo.
 
Kamanda Athumani alisema watuhumiwa wote tayari wamefikishwa mahakamani

 kujibu mashitaka yanayowakabili amewashukuru wananchi kwa ushirikiano

uliofanikisha kukamatwa kwa watuhumiwa hao.

Matukio mbalimbali ya Jiji la Dar es Salaam katika picha

2011-12-26T07:37:00.000-08:00

Basi la abiria 'Daladala', T 198 ACB, likining'inia kwenye ukingo wa Barabara, baada ya kunusurika kuanguka ndani ya shimoa likiwa na abiria, dereva wake aliposhindwa kupanda mlima, eneo la BP, Dar es Salaam. Hakuna aliyejeruhiwa.

Mlemavu wa viungo akiwa amekaa katikati ya Barabara ya Ali Hassan Mwinyi, kwenye taa za Usalama za Ubalozi, wakati akiomba msaada kwenye magari, Dar es Salaam, kitendo ambacho ni hatari kwa usalama wake.

Mwanasheria anayewakilisha wanunuzi wa nyumba zilizokuwa za shirika la Bandari, zilizoko eneo la Gerezani, Dar es Salaam, Dkt. Sengondo Mvungi (kushoto), akizungumza na wateja, kuhusu maendeleo ya kesi yao ya Ardhi.

Wabeba takataka wa Manspaa ya Ilala, wakiwa wameegesha gari lao katikati ya Barabara ya Msimbazi, Dar es Slaam, wakati wakikusanya takataka hizo, kwa ajili ya kuiweka manispaa hiyo katika hali ya usafi.

Mfanyabiashara ndogo ndogo, akiandaa vitunguu na bidhaa nyingine za kuwauzia wateja wake, kama alivyokutwa na kamera yetu eneo la Soko kuu la Kariakoo, Dar es Salaam.

Katika kuadhimisha Sikukuu za Krismasi na mwaka mpya, Father Christmas’ wa Kampuni ya FK Motos LTD, juzi aligawa zawadi za Sikukuu kwa watoto, wakati wa Uzinduzi wa gari mpya aina ya Kia Sportage iliyotengenezwa Korea, kwa ajili ya mwaka 2012, kwenye Viwanja vya Mlimani City Dar es Salaam.

Rashid Matumla, Maneno Osward hakuna mbabe, watoka suruhu

2011-12-26T07:21:00.000-08:00

Mabondia Maneno Osward 'Mtambo wa gongo (kushoto) na Rashidi Matumla 'Snake Boye' wakioneshana umwamba wa kutupa masumbwi wakati wa pambano lao lililofanyika Mtoni Kijichi Dar es salaam na kutoka sare kwa point 99 kwa 99.

Dar na Matukio katika picha

2011-12-26T07:15:00.000-08:00

Muuza mishikaki aliyefahamika kwa jina moja la Bw. Miraji, alikutwa na kamera yetu, kando ya Reli ya Kati, eneo la Karakata Dar es Salaam akiwa amezungukwa na wakazi wa eneo hilo wakinunua mishikaki wakati wakisherehekea sikukuu ya Krismasi juzi.

Kutokana na joto kali Jijini Dar es Salaam, Mchina huyu alikutwa na kamera yetu kando ya Soko la Kisutu, Dar es Salaam juzi, akinywa maji ya madafu na kujaribu kukwepa ili asipigwa picha

Wananchi Mbeya wapanda miti kuboresha mazingira ya Jiji

2011-12-26T07:11:00.000-08:00

Mama akiwa na mtoto wake mchanga mgongoni, wakati akipandaji moja ya miti 4000, iliyotolewa na Kampuni ya Bia Tanzania (TBL), kwa ajili ya Uwanja mpya wa Ndege wa Kimataifa wa Songwe, ulioko Jijini Mbeya, mwishoni mwa wiki, ikiwa ni mikakati ya kuboresha mazingira ya mji huo.

Mbunge asaidia kuendesha Mtumbwi kuvuka mto Ruvu Tanga

2011-12-26T07:09:00.000-08:00

Mbunge wa Korogwe Vijijini Bw. Stephen Ngonyani 'Profesa Majimarefu' akiongoza mtumbwi kuvuka mto Ruvu uliojaa maji kutokana na mvua zilizonyesha milima ya Upare na mto huo kujaa,na kusababisha wananchi wa Majengo na Manga-Mtindiro kukosa mawasiliano. wengine ni Mkuu wa wilaya ya Korogwe Bw Erasto Sima (katikati) na katibu wa UVCCM mkoa wa Tanga, Bw. Acheni Maulid.

Wasomali 103 wakamatwa na Polisi kwa kuingia mkoani Tanga

2011-12-26T06:57:00.000-08:00

Jeshi la Polisi Mkoani Tanga limewakamata watu 103 Raia wa Somalia wakiwa njiani kwenda nchini Malawi kutafuta maisha.

Kamanda wa Polisi Mkoani Tanga ACP Costantin Masawe, amesema wahamiaji hao haramu walikamatwa na Polisi jana wilayani Handeni katika maeneo mawili tofauti.

Amesema wasomali 32 walikamatwa saa 4.30 usiku huko kijiji cha Kwenjugo nje kidogo ya mji wa Handeni,
Chanika na wengine 71 walikamatwa saa 4.00 eneo la Vibaoni wilayni humo.

Amesema kuwa wasomali hao walikamatwa katika operesheni maalum ya kupambana na uhalifu katika kipindi hiki cha sikukuu za krismas kuelekea mwishoni mwa mwaka.

Kamanda Masawe amesema kuwa kukamatwa kwa watuhumiwa hao wa kigeni kunatokana na taarifa za kiintelijensia zilizopatikana za kuwepo kwa watu hao katika maeneo hayo.

Amesema kutokana na operesheni na ukaguzi unaofanywa na Polisi kwenye barabara kuu wasomali hao wamekuwa wakishushwa kutoka kwenye magari ya mizigo na kutembea kwa miguu maporini ili kukwepa vizuizi vya Polisi hatua ambayo Polisi waliibaini.

Hiyo ni mara ya tatu kukamatwa kwa wasomali wilayani humo katika kipindi cha kuanzia mwezi septemba mwaka huu, baada ya wakimbizi wengine wawili walikamatwa eneo la Kabuku na wengine 12 walikamatwa wilayani Handeni wakiwa njia kuelekea Malawi kupitia mkoa wa Morogoro.

Kamanda Masawe ametoa wito kwa wanchi kuendelea kushirikiana na Jeshi la Polisi katika kuwafichua wahalifu wakiwemo wahamiaji haramu.

Kikwete awakumbuka watoto yatima wa Singida Sikukuu ya Krismas

2011-12-25T01:54:00.000-08:00

WATOTO wanaosihi katika mazingira hatarishi kwenye Kituo cha Malezi cha Kititimo, kilichoko Manispaa ya Singida, wamesema moja ya changamoto zinazowakabili ni kutokuwa na vyeti vya kuzaliwa.

Hayo wameyasema wakati wa risala waliyosoma kwa mkuu wa Mkoa wa Singida, Dkt. Parseko Kone wakati wa hafla ya kukabidhi vifaa mbalimbali vya sikukuu ya Krisimasi na mwaka mpya, vilivyotolewa na Rais Jakaya Kikwete jana.

Watoto hao wameweka bayana kuwa kitendo cha wao kutokuwa na vyeti vya kuzaliwa, kwa namna moja au nyingine kunachangia kupata usumbufu wakati wakitafuta ajira.

Wamefafanua zaidi kwenye risala yao hiyo kuwa mapungufu mengine yanayosababisha wao kukosa vyeti vya kuzaliwa kuwa ni pale wanaposhindwa kuendelea na masomo ya elimu ya juu.

Kwa mujibu wa watoto hao changamoto zingine walizozitaja ni pamoja na uhaba wa chakula, maji safi na salama, fedha za kununua sare za shule, madaftari, vitabu vya kujisomea na sabuni.

Wamesema mfumo wa nishati ya umeme ni mbovu hususani kwenye mabweni ya wasichana,kitendo ambacho kinahatarisha maisha yao pamoja na vifaa vyao pia.

“Tunawaomba wadau wengine watakaogushwa na matatizo yetu wasisite kutusaidia katika kupunguza makali ya changamoto mbalimbali zinazotukabili, hususani chakula”, ilisisitiza sehemu ya risala hiyo.

Hata hivyo pamoja na mambo mengine, watoto hao hawakusita kutumia fursa hiyo kumshukuru Rais Kikwete kwa kuwapa zawadi zitakazo wawezesha kusherehekea sikukuu ya krismasi
.
Akikabidhi msaada huo kwa niaba ya Rais, Mkuu wa Mkoa wa Singida Dkt. Kone licha ya sifa lukuki alizozitoa kwa serikali, alitumia fursa hiyo kuungana na watoto hao katika kumshukuru Rais Kikwete kwa kuwakumbuka watoto wa kituo cha Malezi cha Kititimo ili waweze kufurahia krismasi ya mwaka huu.

Dkt. Kone alikuwa kituoni hapo kwa lengo la kukabidhi zawadi mbalimbali, ikiwemo mbuzi wawili, lita 20 za mafuta ya Alzeti, kilo 60 za mchele, viungo mbalimbali vya mboga. Kwa upande wake Mkuu huyo wa Mkoa naye alikabidhi msaada wa boksi la juisi, Biskuti na pipi.

Vodacom yatoa magodoro 430 kwa waathirika wa mafuriko Dar

2011-12-25T01:34:00.000-08:00

Watoto wanaoishi kwenye kambi ya waathirika wa mafuriko iliyoko kwenye shule ya msingi Mchikichini, wakiwa na magodoro yaliyopewa na Vodacom.

Mkuu wa Mkoa wa Dar es salaam Bw. Sadiq Meck Sadick (kushoto) na Mbunge wa Kinondoni Bw. Iddi Azan wakipokea magodoro 430 kutoka kwa Mkuu wa Vodacom Foundation Bw. Yessaya Mwakifulefule. Katikati ni Mkuu wa Kitengo cha Huduma kwa Wateja Bi. Najengwa Mbagga. Vodacom imetoa msaada wa magodoro 430, mablanketi 480 na vyakula kusaidia kambi za waathirika wa maafa ya Dar es salaam.

Wafanyakazi wa Vodacom Bi. Beatrice Makangara (kushoto) na Bi. Jacqueline Tarimo wakiwaongoza wenzao kugawa magodoro 430 yaliyotolew kwa waathirika wa mafriko. ambapo magodoro na mablanketi 480 na vyakula vya thamani ya shilingi mi 30 vilitolewa kupitia mfuko wa kusaidia jamii wa Vodacom Foundation.

Yanga kukutana Boxing Day

2011-12-25T00:35:00.000-08:00

Mfadhili Mkuu wa Yanga Yusuf Manji akizungumza na wanachama wa Klabu hiyo tawi la Gongo la Mboto, Dar es Salaam hivi karibuni.

WANACHAMA wa klabu ya Yanga, tawi la Tabata wametakiwa kujitokeza kwa wingi katika mkutano wa mwaka utakaofanyika kesho Jumatatu (26 Desemba, 2011) kwenye Ukumbi wa Afisa Mtendaji Kata huku ajenda kubwa ikiwa ni maandalizi ya mzunguko wa pili wa Ligi Kuu ya Bara.

Akizungumza jijini Dar es Salaam, Katibu Mkuu wa tawi hilo, Michael Warioba alisema, wanachama wa tawi hilo wanatakiwa kujitokeza kwa wingi kushiriki mkutano huo utakaoudhuriwa na vingozi wa kitaifa wa timu hiyo.

“Vitu vingi tutavizungumzia kama vilivyoorodheshwa katika ajenda zetu, lakini kubwa ni maandalizi ya timu katika mzunguko wa pili wa ligi kuu, pia mchezo wetu na Zamalekh (Kombe la Shirikisho Afrika).

“Tunaomba wanachama wajitokeze kwa wingi saa 4:00 asubuhi katika mkutano huo ili tuweze kuijenga klabu yetu na kutetea ubingwa wa Bara,” alisema Warioba.

Pia Warioba amewataka wapenzi wa klabu hiyo kujitokeza kuchukua kadi za uanachama wa Yanga ili waweze kupata nafasi ya kutoa mchango wa hali na mali katika kuhakikisha timu inafanya vizuri kwenye michuano mbalimbali.

Dkt. Bilal atembelea kambi za waathirika wa mafuriko Dar

2011-12-23T08:00:00.000-08:00

Dkt. Mohammed Gharib Bilal, akisalimiana na mmoja kati ya wananchi waliohifadhiwa katika Kambi ya Shule ya Sekondari ya Azania, waliookolewa katika maeneo yaliyojaa maji

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akizungumza na Bi. Monica Luis, Mkazi wa Jangwani aliyeathirika na mafuriko

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akizungumza na baadhi ya wananchi waliohifadhiwa katika Klabu ya timu ya Yanga ya Jijini Dar es Salaam, wakati alipowatembelea kuwapa pole leo.

Makamu wa Rais Dkt. Mohammed Gharib Bilal, akisikiliza maelezo ya jinsi maji yalivyokuwa yamejaa wakati wa mvua kubwa iliyosababisha mafuriko, kutoka kwa Mkuu wa Mkoa wa Dar es Salaam, Sadik Mecky Sadick leo.

Kaimu Katibu Mkuu Nishati na Madini akagua miundombinu Dar

2011-12-23T07:46:00.000-08:00

Maiti zaidi waopolewa Dar

2011-12-23T07:36:00.000-08:00

Maiti sita zimekutwa eneo hili la Kinondoni baada ya kusombwa na mafuriko juzi

Baadhi ya waathirika wa mafuriko wakiwa kwenye uwanja wa wazi Kinondoni leo

CHADEMA watinga na misaada kwa waathirika wa mafuriko Dar

2011-12-23T07:28:00.000-08:00

Mbunge wa Ubungo Bw. John Mnyika (aliyeinua mikono), akimuelekekeza Mwenyekiti wa CHADEMA Bw. Freeman Mbowe, na viongozi wa Chama hicho, eneo la Sinza lililoathiriwa vibaya na mafuriko, walipolitembelea leo

Mwenyekiti wa CHADEMA Bw. Freeman Mbowe akitoa msaada wa maji, mafuta na vyakula kwa waathirika wa mafuriko Dar leo

Mbowe akikabiidhi msaada wa mafuta ya kula kwa mmoja wa waathirika wa mafuriko leo.

Mbowe akizungumza na wananchi waliokumbwa na mafuriko leo.

Mbowe akiwasilikiliza waathirika wa mafuriko Kawe, alipowatembelea leo

CHADEMA watembelea waathirika wa mafuriko Dar, watoa misaada

2011-12-23T07:20:00.000-08:00

Mwenyekiti wa Chama Cha Demokrasia na Maendeleo (CHADEMA), Freeman Mbowe, akizungumza na waandishi wa habari, baada ya kutembelea eneo la mafuriko, Dar es Salaam leo

Mbowe akisaini kitabu cha maombolezo ya watu waliokufa kwa mafuriko eneo la Kigogo leo

Akiangalia daraja la Kigogo lililovunjika kwa mafuriko

Mbowe (katikati), Mbunge wa Kigoma Zito Kabwe, (kushoto) na Mbunge wa Ubungo, John Mnyika wakijadiliana jambo baada ya kutembelea eneo la mafuriko, Sinza Dar es Salaam leo.

Viongozi wa Juu wa CHADEMA wakiangalia sehemu zilizoathiriwa na mafuriko, eneo la Sinza leo.

Picha za matukio za Mafuriko Dar

2011-12-22T23:39:00.000-08:00

Waathirika watafuta hifadhi Dar

2011-12-22T23:36:00.000-08:00

Hapa wakitafuta baadhi ya vifaa vilivyosalia wakati wa mafuriko

Hapa wakiwa kwenye kituo cha Daladala Jangwani na vyombo vyao

Hapa wakiwa nyuma ya Klabu ya Yanga, wakijaribu kuhamisha vyombo vyao

Dar waanza kuhama Jangwani

2011-12-22T23:20:00.000-08:00

Wakazi wa Jangwani, Dar es Salaam wakitumia nguzo ya umeme iliyoangushwa na mvua kuvuka maji jana

Hapa wengine wakivuka, wengine wakisubiri zamu zao ili wavuke

Hapa wakiweka vyombo vyao kwenye baiskeli ya magurudumu matatu ili waondoke eneo la mafuriko jana.

Nyumba hii ikiwa imekatika chini ya msingi, kutokana na mafuriko jana.

Hapa wanaingiza vyombo ndani ya gari kwa ajili ya kuhama eneo la Kigogo.

Hapa wanaondoka na vyombo vyao kwenda sehemu nyingine kutafuta hifadhi

Rais Kikwete amtuma salamu za rambi rambi Mkuu wa mkoa Dar

2011-12-22T04:06:00.000-08:00

Rais Jakaya Kikwete (Pichani), leo amemtumia salamu za rambirambi Mkuu wa Mkoa wa Dar es Salaam Bw. Said Meck Sadik, kufuatia vifo vya watu 13, waliopoteza maisha Jijini kutokana na mafuriko makubwa yaliyotokana juzi, jana na leo

Rais Kikwete amempa pole Mkuu wa Mkoa kutokana na uharibifu mkubwa wa maisha ya watu, nyumba, makazi na mali za wananchi zilizosombwa na maji na kusababisha uharibifu mkubwa wa miundombinu ya barabara, madaraja na umeme.

Aameuelekeza uongozi wa Mkoa wa Dar es Salaam kusaidiana na taasisi na vyombo vyenye uzoefu wa maafa kushirikiana katika kuendelea kuokoamaisha ya watu, kusaidia waliozingirwa na mafuriko ili kuwahifadhi na kuwasaidia wale wote waliopoteza nyumba na makazi kutokana na mafuriko hayo.

Katika salamu zake, Rais Kikwete amemwambia Bw. Sadiq kuwa amepokea kwa masikitiko habari za vifo vya wenzetu 13 vilivyotokana na mafuriko yaliyosababishwa na mvua kubwa ambayo wote wameishuhudia katika Mkoawa Dar es Salaam tokea jana.

Amesema: “Nakutumia wewe Mkuu wa mkoa rambirambi zangu kutokana na vifo hivyo, kupitia kwako natoa pole kwa familia, ndugu na jamaa waliopoteza wapendwa wao katika balaa hili la mafuriko ya mvua.

Wajulishe kuwa msiba wao ni msiba wangu, naelewa machungu yao na niko pamoja nao katika hali ya sasa ya maombolezo. Mungu aziweke pema peponi roho za marehemu wote.”

Ameongeza Rais Kikwete kuwa: “Napenda pia kupitia kwako kutoa pole zangu nyingi kwa wote walioumiaama kupoteza mali zao katika mafuriko haya. Wajulishe kuwa moyo wangu uko nao wakati huu wa mazingira magumu.

“Chini ya usimamizi wako, ningependa kuona uongozi wa Mkoa kwa kushirikiana na taasisi na vyombo vyenye ujuzi na uzoefu wa kupambana na majanga na dharura za namna hii, kuhakikisha kuwa tunaendelea kuokoa watu ambao bado wamezingirwa na mafuriko, tunawapa matibabu wale walioumia katika mafuriko hayo, na tunawahifadhi na kuwapa huduma za kibinadamu wote waliopoteza nyumba na makazi yao kwa mafuriko hayo.” Amesisitiza Rais leo.

Kasheshe ya mvu Dar, Jeshi laingilia kati kuokoa wananchi

2011-12-21T08:10:00.000-08:00

Wazamiaji wa Jeshi la Ulinzi la Wananchi wa Tanzania (JWTZ), wakitumia Boti maalum kuokoa majeruhi na wananchi waliokwama Jangwani, Dar es Salaam jana, bada ya mvua kubwa kunyesha na kusababisha mafuriko

Maji yakiwa yamelifunika daraja la Ulongoni, Manispaa ya Ilala Dar es Salaam na kusababisha wakazi wa eneo hilo kushindwa kuvuka leo

Askari wa Jeshi la Ulinzi la wananchi wa Tanzania (JWTZ), Polisi na Mgambo wakisaidia kumuingiza ndani ya gari la wagonjwa, mmoja wa majeruhi wa mafuriko, Dar es Salaam

Vijana wa Mongo la Ndege, Dar es Salaam wakisaidia kuokoa watoto waliokwama kwenye maji leo

Ngassa ni Lulu ya Tanzania

2011-12-21T07:44:00.000-08:00

Mshambuliaji hatari wa Timu ya Taifa ya Tanzania ya Taifa Stars Mrisho Ngassa

Twiga wajifua michuano ya Kimataifa

2011-12-21T02:01:00.000-08:00

Wachezaji wa timu ya Taifa ya wanawake Twiga Stars wakijifua kwenye Uwanja wa Karume Dar es Salaam leo, kuandaa na michezo ya kufuzu michuano ya wanawake Afrika dhidi ya Namibia.

RC, RPC Dar watembelea eneo la mafuriko Sinza na Jangwani

2011-12-20T07:33:00.000-08:00

Mkuu wa Mkoa wa Dar es Salaam, Bw. Sadik Mecky Sadik, akionesha sehemu iliyoharibiwa na mafuriko, alipowatembelea wakazi wa Sinza kujua athari za mafuriko hayo Dar es Salaam. Kushoto ni Meya wa Manispaa ya Kinondoni Mstahiki Yusuf Mwenda.

Kamanda wa Polisi Kanda Maalum ya Dar es Salaam, Kamishina Suleiman Kova, akionesha moja ya nyumba zilizoko ndani ya maji, kutokana na mafuriko yaliyosababishwa na mvua kubwa zilizonyesha Jijini leo. Watu watatu wamelipotiwa kupoteza maisha kutokana na mafuriko hayo.

Watoto wanaoishi eneo la Jangwani wakiwa wamehifadhiwa kwenye kituo cha Daladala, kando ya Barabara ya Morogoro, baada kuzikimbia nyumba zao, kufuatia mvua kubwa zilizonyesha Jijini Dar es Salaaam na kusababisha mafuriko

Wakazi wa Jiji wakiwa juu ya daraja la Jangwani, kukiangalia vitu mbalimbali vilivyosombwa na maji baada ya mvua kubwa kunyesha na kusababisha mafuriko.

Mshikemshike wa mafuriko Dar

2011-12-20T07:25:00.000-08:00

Wakazi wa Jiji la Dar es Salaam, wamekubwa na mafuriko, baada ya mvua kubwa kunyesha na kusababisha baadhi ya nyumba kujaa maji na watu kukosa makazi kama inavyoonesha katika picha hizi.

Polisi Dar wajipanga kuokoa waliokwama kwa mafuriko

2011-12-20T07:20:00.000-08:00

Baadhi ya Askari wa Jeshi la Polisi, wakiwa katika eneo la tukio Dar es Salaam, kuwalinda wakazi wa eneo la Jangwani waliokumbwa na mafuriko leo

Jiji la Dar lakumbwa na mafuriko

2011-12-20T07:15:00.000-08:00

Mafuta yazua kizazaa Dar, magari yakosa mafuta, EWURA yatoa tamko

2011-12-19T07:49:00.000-08:00

Kizazaa, baada ya wafanyabiashara wa mafuta kugoma kutoa huduma hiyo kwa visingizio vya kushuka kwa bei, Jijini Dar es Salaam, kumesababisha kituo pekee kilichouza mafuta cha TSN, kando ya Barabara ya Bagamoyo, eneo la Bamaga, kufurika magari Dar es Salaam leo yakisubiri kupata mafuta.

MAMLAKA ya Udhibiti wa Huduma za Nishati na Maji (EWURA), inapenda kutoa taarifa juu ya kinachoendelea katika sekta ndogo ya mafuta, ambapo vituo vingi vimeonekana kukosa mafuta ya petroli.

Kwanza nchi ina mafuta ya kutosha kwa siku 33 kulingana na aina ya mafuta kwa maana kwamba petroli, ipo ya siku 33, dizeli siku 32 na mafuta ya taa yapo ya siku 38. Kwa siku tunatumia lita 875,000 za petroli, 3,100,000 za dizeli na lita 615, 240 za mafuta ya taa.

NINI KILICHOJITOKEZA

Katika mfumo wa biashara ya mafuta hapa nchini kuna wafanyabiashra wa aina mbili; wale wanaomiliki vituo na magala (Company Owened, Company Operated –COCO) na wale wanaomiliki kituo kimoja kimoja na hawana uhusiano kabisa na wenye maghala na wala hawana magala ya mafuta (Dealers Owned, Delaers Operated-DODO).

Kutokana na kushuka kwa bei za mafuta, hususani petroli kwa shilingi 108 kwa lita, 99 kwa dizeli na 91 kwa mafuta ya taa, kushuka ambako ni kukubwa sana, DODO wengi ambao ni vituo vingi na mitaji yao ni midogo wanaangalia kwanza bei kikomo zinazotolewa na EWURA zina mwelekeo upi ndio wakanunue kwenye magahala ya mafuta.

Kwa bahati mbaya bei hizi zinaanza Jumatatu hivyo, Jumatatu inatumika kununua mafuta kutoka kwenye maghala. Hii inatokana na ukweli kwamba hakuna mtu ambaye (DODO) anayeweza kuthubutu kubaki na akiba ya mafuta kubwa katika kipindi hiki ambapo bei za mafuta zinashuka kwani ataingia katika hasara kubwa.

Hivyo, basi pamoja na changamoto zilizopo ni matarajio yetu kuwa biasahara hii itatengemaa kuanzia kesho Jumanne.

KUTHIBITISHA KUTENGEMAA KWA BIASHARA

Hadi leo, Desember 19, 2011 upakiaji wa mafuta ulifikia au kuzidi matumizi ya kila siku kwa maana kwamba petrol, ilipakiliwa lita 1,434,950, dizeli 2,948,000 na mafuta ya taa ni lita 600,000 na uuzwaji wa mafuta ulikuwa unaendelea.

Hata hivyo, EWURA itaendelea kufanya uchunguzi kubaini kama kuna vituo vina mafuta lakini haviuzi ili adhabu stahiki ichukuliwa.

USHAURI
EWURA Kama mdhibiti anashauri kuwa ni yeye pekee ambayea anaweza kutamka mafuta hakuna, hivyo basi hakuna haja kwa umma kupata hofu na kuanza kujazana kwenye vituo vya mafuta kujaza mafuta zaidi ya idadi ya lita mabazo mara nyingi hujazwa kwani kwa kufanya hivyo, kunaharibu mfumo mzima wa usambazaji wa mafuta.

NINI CHA KUFANYA

EWURA inaharakisha marekebisho ya Kanuni ambayo itafanya utoaji wa bei za mafuta ubadilike kutoka siku 14 za sasa kama ilivyo kwenye Sheria ya sasa kwa mujibu wa Gazeti la Serikali ili kukabiliana na upungufu wa mafuta unaotokana na bei mpya kutoka Jumatatu.

Ali Mohamed Saleh, Balozi mpya wa Tanzania Nchini Oman

2011-12-19T07:38:00.000-08:00

Rais Jakaya Kikwete akimuapisha Bw. Ali Mohamed Saleh kuwa Balozi mpya wa Tanzania Nchini Omani, Ikulu Dar es Salaam leo.

Grace Mujumi, Balozi mpya wa Tanzania Nchini Zambia

2011-12-19T07:36:00.000-08:00

Rais Jakaya Kikwete akimuapisha Bi. Grace Mujumi kuwa Balozi mpya wa Tanzania Nchini Zambia, Ikulu, Dar es Salaam leo.

Shamimu Nyanduga, Balozi mpya wa Tanzania Msumbiji

2011-12-19T07:33:00.000-08:00

Rais Jakaya Kikwete akimuapisha Bi. Shamimu Nyanduga kuwa Balozi mpya wa Tanzania Nchini Msumbuji, Ikulu Dar es Salaam leo.

Dkt. Ladislaus Komba Balosi mpya wa Tanzania Nchini Uganda

2011-12-19T07:29:00.000-08:00

Rais Jakaya Kikwete akimuapisha Dkt. Ladislaus Komba kuwa Balozi mpya wa Tanzania Nchini Uganda, Ikulu Dar es Salaam leo.

Deodorus Buberwa Kamala, Balozi wa Tanzania Nchini Ubelgiji

2011-12-19T07:19:00.000-08:00

Rais Jakaya Kikwete, akimuapisha Dkt. Deodorus Buberwa Kamala kuwa Balozi mpya wa Tanzania Nchini Ubelgiji, Ikulu Dar es Salaam leo

Matrida Salha Burian, Balozi wa Tanzania Nchini Kenya

2011-12-19T06:35:00.000-08:00

Rais Jakaya Kikwete, akimuapisha Bi. Matrida Salha Burian kuwa Balozi wa Tanzania nchini Kenya, hapa akiapa Ikulu Dar es Salaam leo.

Philip Sanka Marmo, Sasa ni Balozi wa Tanzania Nchini China

2011-12-19T06:31:00.000-08:00

Rais Jakaya Kikwete akimuapisha Bw. Philip Sanka Marmo (kulia), kuwa Balozi wa Tanzania Nchini China, hapa Bw. Marmo akiapa Ikulu, Dar es Salaam leo

Majenerali wa Nigeria walivyoshindana kuasi na kutwaa madaraka

2011-12-18T04:36:00.000-08:00

Jenerali Yakubu Gowon.
Nigeria ni moja ya Nchi maarufu Barani Afrika iliyopata uhuru wake mwaka 1960 hadi sasa wakati wa utawala wa Rais Goodluck Jonathan
Ilipata uhuru Oktoba Mosi, 1960 kutoka kwa Waingereza ikiongozwa na Waziri Mkuu, Alhaji Sir Abubakar Tafawa Balewa aliyekuwa mtendaji mkuu wa serikali.

Novemba 16, 1960 raia mwingine wa Nigeria, kwa mujibu wa katiba, Dr. Nnandi Azikiwe akawa Gavana Mkuu wa shirikisho la nchi hiyo la majimbo matatu, Kaskazini, Mashariki na Magharibi. Lagos ukawa mji mkuu huku kila jimbo likiongozwa na waziri mkuu ambaye pia alikuwa gavana.

Oktoba Mosi, 1963 Nigeria ikawa Jamhuri ya shirikisho, ikamaliza uhusiano na utawala la Uingereza lakini ikaendelea kuwa katika Jumuiya ya Madola iliyokuwa chini ya Uingereza. Hivyo, cheo cha Gavana Mkuu wa nchi hiyo kikabadilishwa na kuwa Rais.

Mara vurugu za wanajeshi zikaanza, Januari 1966, kundi la maofisa wa jeshi likiongozwa na Jenerali Johnson Aguiyi-Ironsi (pichani) likaiangusha serikali, likamuua Waziri Mkuu, Alhaji Sir Abubakar Tafawa Balewa na Jenerali Johnson Aguiyi-Ironsi akawa Mkuu wa Nchi.

Mnamo Julai mwaka huo huo, kundi la maofisa wa jeshi kutoka kaskazini mwa nchi hiyo likaasi na kumuua Jenerali Ironsi, likamteua Mnadhimu wa Jeshi, Jenerali Yakubu Gowon kuwa mkuu mpya wa nchi.

Ni wakati wa utawala wa Gowon ambapo vita vya kutaka kujitenga kwa Jimbo la Biafra vilitokea kusini mwa nchi hiyo. Jina la Gowon lilitumika kiutani kuwashauri watu wa Nigeria waendelee kuishi chini ya Nigeria moja.

Utani wenyewe ulitokana na kilichodaiwa kuwa, kirefu cha neno G.O.W.O.N ni Go On With One Nigeria!

Miaka tisa baadaye, 1975, Jenerali Yakubu Gowon naye alipinduliwa na Jenerali Murtala Mohammed naye akawa mkuu wa nchi hiyo hadi alipouawa mwaka 1976, yaani mwaka mmoja baadaye.

Nafasi ya Murtala ilichukuliwa na Jenerali Olusegani Obasanjo mwaka huo huo wa 1976. Wakati matukio ya utawala wa kijeshi yakiendelea, mwaka 1979 nchi hiyo ikaanzisha katiba kama ya Marekani, kukawa kuna rais, baraza la seneti na bunge la wawakilishi.

Mwezi Oktoba 1979, miaka zaidi ya 13 ya utawala wa kijeshi, Nigeria ikarejea utawala wa kidemokrasia ambapo Chama cha National (NNP) kilishinda katika uchaguzi na Alhaji Shehu Shagari akawa rais.

Hata hivyo, baada ya miaka kama minne, yaani mwaka 1985, jeshi likarejea na kuiangusha jamhuri ya pili ya nchi hiyo, yaani utawala wa pili wa kiraia ambapo Meja-Jenerali Muhammadu Buhari akawa kiongozi.

Jeshi halikukomea hapo, Agosti 1985, Jenerali Buhari naye alitoswa na Mnadhimu Mkuu wa Jeshi, Jenerali Ibrahim Babangida aliyechukua ‘ulaji’. Hata hivyo, mwaka 1983, Jenerali Babangida akaachia ngazi mnamo Agosti kwa serikali ya muda ya kiraia chini ya Ernest Shonekan.

Lakini, Novemba mwaka huo huo, Jenerali Sani Abacha akatwaa madaraka kutoka kwa Shonekan na kuwa rais. Yeye naye hakudumu, Juni 8, 1998 alikufa ghafla, ikiwa ni miaka ipatayo sita hivi baadaye.

Kifo cha Abacha kilitoa ulaji kwa Meja-Jenerali, Abdulsalam Abubakar. Katika mlolongo huo ambao raia walikuwa hawana chao kwa wamiliki bunduki na mabomu, Meja-Jenerali Abubakar naye akaachia ngazi Mei 1999 kwa mtu aliyewahi kuwa mkuu wa nchi wa kijeshi, Jenerali Obasanjo aliyerejea akiwa katika nguo za kiraia baada ya uchaguzi.

Mambo yakaanza kwenda kistaarabu ambapo mnamo Mei 2007 raia Alhaji Umaru Yar’Adua, akachukua nafasi hiyo kutoka kwa Obasanjo na kuwa mtu wa 13 kuwa mkuu wa taifa hilo ambalo huenda ni maarufu zaidi kuliko nchi zingine za Afrika, ukiachilia mbali Afrika Kusini na labda Misri.

Yar’Adua akaiongoza nchi hiyo hadi alipofariki dunia Mei 5, 2010 na nafasi yake kuchukuliwa kistaarabu na makamu wake, Goodluck Jonathan ambaye akawa kiongozi wa 14 wa nchi hiyo tangu uhuru.

Kwa ulinganisho tu, wakati Jonathan akiwa mkuu wa nchi wa 14 wa Nigeria iliyopata uhuru mwaka 1960, Tanzania ilikuwa imefikisha wakuu wanne tu tangu kupata uhuru wake mwaka 1961!

KCB Tanzania yaimalisha huduma ya ICU Hospitali ya KCMC Moshi

2011-12-18T03:41:00.000-08:00

Meneja wa KCB Tanzania Tawi la Moshi Bw Rominyika Saitabau akizungumza wakati akikabidhi wodi ya wagonjwa mahututi ‘ICU’ ya Hospitali ya KCMC iliyokarabatiwa na benki hiyo kwa shilingi milioni 11. Kulia ni Daktari Bingwa wa magonjwa ya akinamama Dkt Gerald Masenga.

Daktari Bingwa wa Magonjwa ya akinamama katika Hospitali ya KCMC Moshi Dk Gerald Masenga akitoa shukrani kwa Benki ya KCB Tanzania tawi la Moshi ilipokabidhi wodi ya wagonjwa mahututi ‘ICU’ leo

Muuguzi Mkuu wa wa Hospitali ya KCMC Moshi Bi. Redempta Mamseti akifafanua jambo wakati Benki ya KCB Tanzania ilipokabidhi wodi ya wagonjwa mahututi ‘ICU’ iliyokarabati kwa Sh. Milioni 11. Kulia ni Meneja wa Benki hiyo tawi la Moshi Bw Rominyika Saitabau.

Meneja wa KCB Tanzania Tawi la Moshi Bw Rominyika Saitabau akikata utepe kuzindua wodi ya wagonjwa mahututi ‘ICU’ Hospitali ya KCMC leo. Kulia ni Daktari Bingwa wa magonjwa ya akinamama Dk Gerald Masenga, mjini Moshi leo.

Na Mwandishi Wetu, Moshi

Benki ya KCB Tanzania imetumia kiasi cha Shilingi Milioni 11 kukarabati wodi ya wagonjwa mahututi ‘ICU’ kwa kununua vitanda vitatu katika hospitali rufaa ya KCMC iliyopo Moshi mkoani Kilimanjaro ikiwa ni muendelezo wake wa kurudisha kiasi cha faida ilichokipata kwa jamii.

Akikabidhi msaada huo, Meneja wa KCB Tanzania Tawi la Moshi Bw Rominyika Saitabau alisema mbali ya kurudisha ilichokipata kwa jamii pia wanatekeleza mpango wa milenia unaotaka hadi kufikia mwaka 2015 dunia iwe imetokomeza vifo vya wajawazito na watoto wakati wa kujifungua.

Akifafanua zaidi Saitabau alisema kuwa kitendo cha benki yake kukarabati wodi hiyo ya kitasaidia kupunguza vifo vya akina mama wajawazito na watoto kwani wataweza kupatiwa tiba sahihi kipitia hutuma zitakazotolewa kupitia chumba hicho.

“Sisi kama benki tumeona ni vema kuisaidia serikali kutekeleza malengo ya milenia hasa kwa upande wa kipengele cha nne na tano vinavyotaka nchi wanachama wa mpango huo kupunguza vifo vinavyotokana na uzazi na vile vya watoto chini ya miaka mitano,” alisema Rominyika.

Kwa upande wake Daktari Bingwa wa magonjwa ya kina mama wa Hospitali ya KCMC DK Gerald Masenga amesema kwamba bado hospitali hiyo inakabiliwa na changamoto nyingi ikiwemo upungufu wa vifaa vya kufanyia upasuaji.

Akifafanua zaidi DK Masenga amesema kuwa msaada huo kutoka KCB Tanzania utazifanya huduma za wagonjwa mahututi kupatiwa huduma katika eneo moja tofauti na awali ambapo walikuwa wakitibiwa katika wodi walizolazwa.

Akitoa shukrani, Muuguzi Mkuu wa hospitali hiyo Redempta Mamseti amesema kwa kuwa KCMC imekuwa ikipokea wagonjwa walio katika hali mbaya kutoka maeneo mbalimbali msaada huo utawawezesha kutoa huduma bora zinazohitajika tena kwa wakati.

Hivi karibuni benki hiyo pia ilitoa msaada wa vifaa mbalimbali vyenye thamani ya shilingi milioni 4.9 vikiwemo vya tiba kwa hospitali ya Wilaya ya Nyamagana, iliyopo Butimba jijini Mwanza ili kusaidia akinamama wanaojifungua.

Vifaa hivyo vilikabidhiwa kwa uongozi wa hospitali hiyo na Meneja wa tawi la Mwanza, Walter Lema na kupokelewa na Mganga Mkuu Mfawidhi wa hospitali hiyo Joseph Batholomeo.

Watanzania wanaingiza wahamiaji haramu kwa njia za panya

2011-12-17T05:18:00.000-08:00

Mkuu wa Jeshi la Polisi Nchini Tanzania IGP Said Mwema

ARUSHA-Tanzania

WATANZANIA wanahusika katika kashifa ya kusafirisha wahamiaji haramu hapa

nchini, wakitumia  njia za panya kuwavusha sehemu moja hadi nyingene jambo

ambalo linaleta changamoto kwa idara ya Uhamiaji

Hayo yamebainishwa na Afisa Uhamiaji wa mkoa wa Arusha Bw. Daniel Namomba

jana, alipofanya mahojiano ya kina ofisini kwake kuhusu suala la wahamiaji

haramu hapa nchini, wanasaidiwa na watanzania wakitumia njia za panya

"Ndugu zetu ndio wanashirikiana na wahaiaji haramu kuwapokea, kuwavusha

mpaka, ukiangalia wao ndio wanajua mipaka vizuri kuliko watu wa nje na

kuwafanya wahamiaji haramu wazidi kuongezeka nchini" alisema Namomba

Aliongeza kuwa katika kuthibiti
wahamiaji haramu kuingia katika nchi yetu ni jukumu la kila mmoja wetu 
kuhakikishi kuwa anatoa taarifa mapema agunduapo kuwa kuna mgeni haramu 
ameingia katika mipaka yetu au katika nchi yetu bila kufata taratibu za 
kisheria

Aidha alibainisha kuwa ulinzi wa mipaka siyo tu idara ya
uhamiaji bali ni vyombo vyote vya dola kuhakikisha wanashirikiana kwa 
kikamilifu ili kuweza kuthibiti mipaka yote kwani mpaka wa Tanzania ni 
mrefu sana na maeneo mengi yanapitika kirahisi

Aliongeza kuwa kwa sasa kunaoparesheni ya masaa24 inayoendelea katika eneo

la  Namanga ya kuwabaini hawa wahamiaj haramu na wamehakikisha wanaimarisha

doria kwani lengo la idara ya uhamiaji ni kudhibiti wasiingie kwetu nchini

waende wanakojua

Idara ya uhamiaji ikishirikiana na Jeshi la Polisi, inaendelea kutoa

elimu kwa jamii kuhusu athari za wahamiaji haramu na madhara yao kwa jamii

waingiapo nchini bila kufuata taratibu za uhamiaji.

Daraja la Mkapa na ukombozi kwa wananchi wa mikoa ya Kusini

2011-12-17T04:55:00.000-08:00

Daraja la Mkapa, limeondoa kero ya muda mrefu ya usafiri wa Kusini, hapa kulikuwa na Kivuko cha Mv. Rufiji, ambacho kilielemewa na idadi kubwa ya abiria waliopita kila siku kuelekea mikoa ya Lindi na Mtwara, iliyoko Kusini mwa Tanzania..

ICGLR yataka nchi kutunga sheria kali kupambana na ukatili wa kijinsia

2011-12-17T04:10:00.000-08:00

Rais Jakaya Kikwete (kushoto), akizungumza na Makamu wa Rais Dkt. Mohamed Gharib Bilal (katikati) na Waziri Mkuu Mizengo Pinda, baada ya kuwasili Nchini leo akitokea Uganda, alikoshiriki mkutano wa Wakuu wa Nchi za Maziwa Makuu.

Rais Jakaya Mrisho Kikwete amesema wakuu wa nchi wanachama wa Umoja wa Nchi za Maziwa Makuu wa International Conference on Great Lakes Region (ICGLR) wamekubaliana kuwa kila nchi mwanachama itunge sheria za kupambana na ukatili wa kijinsia kama njia ya kuongeza amani na utulivu katika eneo hilo la Maziwa Makuu.

Rais Kikwete pia amesema mbali na kutunga sheria, wakuu wa nchi wanachama za ICGLR wamekubaliana kuweka mifumo ya kuhakikisha kuwa sheria hizo zinafanya kazi kama njia ya kuondokana na tatizo la ukatili wa kijinsia.

Rais Kikwete ameyasema hayo leo, Ijumaa, wakati akitoa neno la shukurani, wakati wa kipindi cha kufunga mkutano wa nne wa wakuu wa nchi hizo uliomalizika kwenye Ukumbi wa Hoteli ya Munyonyo Commonwealth Resort, nje kidogo ya mji wa Kampala, baada ya kufungwa na Rais wa Uganda, Yoweri Museveni.

Amesema Tanzania ni nchi kiongozi katika eneo la Maziwa Makuu katika sheria, kanuni na taratibu za kupambana na ukatili wa kijinsia na baadhi ya makosa ya ukatili wa namna hiyo yanaadhibiwa kwa adhabu kali ikiwa ni pamoja na kifungo cha miaka 30 bila nafasi ya faini.

Akizungumza kwenye siku ya pili na ya mwisho ya mkutano huo wakati akitoa salamu za shukurani kwa wenyeji wa mkutano huo, Uganda, kwa niaba ya viongozi wenzake, Rais Kikwete ameuambia mkutano huo:
“Ni jambo la kutia moyo kuwa tumejadili kwa kina kabisa hali ya usalama na masuala ya maendeleo katika eneo letu. Tumejadili suala la ukatili wa kinjinsia na tumedhamiria kupambana na balaa hili. Azimio letu la kutokuvulimia kabisa balaa hili ni ujumbe wa kutosha wa matumaini kwa waathirika wa balaa hili na wale wanaoweza kunaswa katika janga hili,” Rais Kikwete amewaambia mamia ya wajumbe wa mkutano huo.

Mbali na maamuzi mengine, wakuu hao katika kikao chao cha leo wameamua kumteua Profesa Lumu Alphone Ntumba Luaba kutoka Jamhuri ya Kidemokrasia ya Congo (DRC) kuwa Katibu Mtendaji mpya wa ICGLR. Profesa Luaba anachukua nafasi ya Balozi Liberata Mulamula wa Tanzania ambaye amemaliza muda wake.

Wakati wa hotuba yake, Rais Kikwete amemwambia Profesa Luaba: “Tumemaliza mkutano wetu kwa furaha baada ya kumteua Profesa Lumu Alphone Ntumba Luaba kutoka DRC kuwa Katibu Mtendaji mpya wa ICGLR. Tunakupongeza. Tumekuteua kwa sababu Mawaziri wetu wametushawishi kuwa unafaa kwa kazi hii. Tafadhali thibisha ukweli huo kwa ubora wa kazi yako.”

Kwa Balozi Mulamula, Rais Kikwete amesema: “Kwa Balozi Mulamula, tunakushukuru sana kwa kazi yako nzuri uliyoifanyia Umoja wetu. Ulikuwa na kazi isiyokuwa ya kuonewa wivu ya kuanzisha Sekretarieti ya umoja wetu toka mwanzo kabisa. Umeifanya kazi hiyo kwa mafanikio makubwa. Tutakukumbuka siku zote kwa mchango wako murua kwa umoja wetu.”

Balozi Mulamula ameongoza Sekretarieti ya ICGLR kwa miaka mitano ya mwanzo. Muda wa uongozi wake ulimalizika mwaka jana, lakini katika mkutano maalum wa wakuu wa ICGLR uliofanyika mwaka jana Lusaka, Zambia, wakuu hao walimwomba Balozi huyo kuendelea kuongoza Umoja huo kwa mwaka mmoja wa ziada wakati mrithi wake akitafutwa.

Mbali na Rais Kikwete, marais wengine wa nchi wanachama wa ICGLR waliohudhuria mkutano wa mwaka huu ni pamoja na Rais Yoweri Museveni, mwenyeji wa mkutano huo na Mwenyekiti mpya wa ICGLR na Rais Michael Chilufya Satta wa Zambia ambaye amemaliza muda wake wa Uenyekiti wa Umoja huo.
Marais wengine ni Rais Mwai Kibaki wa Kenya, Rais Pierre Nkurunzinza wa Burundi na Rais wa Jamhuri ya Afrika ya Kati Francois.

Dkt Bilal atoa tuzo kwa makampuni yaliyofanya vizuri 2001 Dar

2011-12-16T05:33:00.000-08:00

Makamu wa Rais Dkt. Mohamed Gharib Bilal akitoa tuzo kwa CRDB

Tuzo kwa RadioUongozi Cloud FM Dar es Salaam leo

Dkt. Bilal afungua mkutano wa 18 wa hali ya kisiasa Tanzania

2011-12-16T05:28:00.000-08:00

Makamu wa Rais Dkt.Mohamed Gharib Bilal akizungumza na washiriki wa Mkutano wa 18 wa hali ya kisiasa nchini Tanzania, ulioandaliwa na REDET, Dar es Salaam leo.

Washiriki wa Mkuatano huo wakimsikiliza Makamu wa Rais Dkt. Bilal, Ubungo Plaza

Dkt. Bilal akisalimiana na viongozi waliofika kwenye Ukumbi wa Ubungo Plaza leo

Miss Tanzania 2011 apewa Jeep la kisasa Dar

2011-12-16T04:48:00.000-08:00

Mrembo wa Tanzania, Miss Vodacom 2011, Salha Israel akizungumza na waandishi wa habari kabla ya kuondoka na gari lake aina ya Jeep Dar es Salaam jana

Miss Tanzania 2011 Salha Israel akiwa na Mama yake Mzazi jana

Meneja Matukio wa Vodacom Rukia Mtingwa akimuonesha Salha gari aina ya Jeep atakalopewa baada ya kutwaa taji la Mrembo wa Tanzania 2011

Rukia akimkabidhi Salha funguo za gari lake aina ya Jeep Dar es Salaam jana.

Salha akionesha funguo za gari lake baada ya kukabidhiwa Dar es Salaam jana.

Salha akielekezwa jinsi ya kutumia gari hilo na Meneja Mauzo wa CFO Alfred Minja.

Mpigapicha wa ITV akiwajibika

2011-12-13T07:04:00.000-08:00

Mpigapicha Mkongwe wa ITV akiwa kazini Dar es Salaam leo

Dkt. Nagu na mafunzo ya Maendeleo ya Biashara Dar

2011-12-13T06:56:00.000-08:00

Waziri wa Nchi, Ofisi ya waziri Mkuu, Uwekezaji na uwezeshaji Dk. Mary Nagu akizungumza wakati wa Mafunzo ya maendeleo ya biashara yaliyofanyika Kitivo cha Biashara Chuo Kikuu cha Dar es Salaam leo. Kulia ni Balozi wa Netherlands Nchini, Bw. Ad Koekkoek na Mkuu wa Shule ya Biashara Chuo kikuu Dkt. Marcellina Chijoriga.

Benki ya Exim Tanzania yawapiga jeki watoto yatima wa Djibouti

2011-12-13T06:53:00.000-08:00

Mwenyekiti wa Bodi ya Benki ya Exim Tanzania, Bw. Yogesh Manek (kulia), akishikana mikono na Mke wa Rais wa Djibouti, Mama Kadra Mahamoud, baada ya kukabidhi mfano wa hundi ya fedha za Djibouti sh. mil moja, kama mchango kusaidia vituo vya kulelea Watoto yatima, wakati wa uzinduzi wa tawi jipya la benki hiyo nchini humo hivi karibuni.

Kasembe wa TBC atunukiwa cheti cha Mlima K'njaro

2011-12-13T06:51:00.000-08:00

Mpigapicha wa Shirika la Utangazaji Tanzania (TBC), Bw. George Kasembe, akionesha vyeti vya utambulisho walivyotunukiwa baada ya kupandisha mwenge kwenye kilele cha Mlima Kilimanjaro, wakati wa maadhimisho miaka 50 ya Uhuru wa Tanzania Bara. Kulia ni Mwandishi wa The African Bw. Sikwese Austin.

Walinzi wa Usalama CUF walivyochalangwa kwa mapanga Dar

2011-12-13T06:47:00.000-08:00

Walinzi wa Usalama wa Chama cha Wananchi (CUF), Bw. Abdallah Kassim Kombo (kulia) na Bw. Hamisi Iddi Ally, wakionesha majeraha waliyopata, baada ya kukatwa kwa mapanga na watu wanaodaiwa kuwa waliandaliwa ili kuwadhuru, walipokwenda kuzuia mkutano ulioitishwa bila baraka za chama hicho, eneo la Mabibo, Dar es Salaam jana.

DAR na matukio ya picha leo

2011-12-13T06:43:00.000-08:00

Pamoja na baadhi ya kinamama kutupa watoto kwa kisingizio cha ugumu wa maisha, Mama huyu Zakia Ali mkazi wa Sweety Corner Tandare, akiwa amembeba mwanae wakati akitembeza maembe mitaani, Dar es Salaam leo.

Katibu Mkuu Wizara ya Afya na Ustawi wa Jamii Bi. Blandina Nyoni (kushoto) na Mwakilishi Mkazi Shirika la idadi ya watu la Umoja wa Mataifa (UNFPA)-Tanzania, Dkt. Julitta Onabanjo, wakiangalia moja ya magari manne yaliyotolewa kwa msaada wa shirika hilo Dar es Salaam leo.

Mgambo wa Manispaa ya Ilala wakijarubu kuwadhibiti baadhi ya wafanyabiashara ndogo ndogo katikati ya Jiji, waliokaidi agizo la manispaa hiyo, inayowakataza kufanya biashara kando ya Barabara.

Mgambo wa Manispaa ya Ilala wakijaribu kulifunga minyororo, gari la serikali namba SU 37730 lililokutwa limeegeshwa sehemu, kando ya Barabara ya Samora, Dar es salaam leo.

HABARI KATIKA PICHA LEO

2011-12-13T06:32:00.000-08:00

Rais Jakaya Kikwete (kulia), akizungumza na Mwakilishi Mkazi wa Benki ya Maendeleo ya Afrika (ADB), Bi. Tonia Kandiero aliyemtembelea Ikulu, Dar es salaam leo

Mwenyekiti wa Jukwaa la Kilimanjaro Development Forum (KDF), Bw. Cleopa Msuya akizungumza na waandishi wa Habari, Dar es Salaam leo, kuhusu Mkutano Mkuu wa mwaka wa Jukwaa la maendeleo. Kushoto ni Makamu Mwenyekiti Bw. Arnold Kilewo.

Meneja Uendeshaji wa Asasi isiyokuwa ya kiserikali ya Under The Same Sun, Bw. Gamaliel Mboya, akionesha picha ya mlemavu wa ngozi aliyepoteza maisha kwa kukosa dawa, wakati akizungumza na waandishi wa habari Dar es Salaam leo, kuhusu Saratani kwa walemavu wa ngozi. Kushoto ni Mratibu wa Ufadhili wa Asasi hiyo Bw. Seif Kondo.

Naibu Waziri wa Afya na Ustawi wa Jamii, Dkt Lucy Nkya (kulia), akimsikiliza Kaimu Mkurugenzi wa Dawa na Vipodozi wa Mamlaka ya Udhibiti wa Chakula na Dawa (TFDA), Bw, Mitangu Fimbo, wakati akimuonesha dawa ya kuongeza ukubwa wa makario iitwayo Hip Lift Up 'Wao' iliyopigwa marufuku, alipotembelea mamlaka hiyo, Dar es Salaam

Wakazi wa Kata ya Bareko, wilaya ya Kondoa, mkoani Dodoma wakiwaonsha waandishi wa habari (hawapo pichani), majengo ya Shule ya Msingi Kurasini, ambayo pamoja na kuwa na Walimu watatu, mgawo wa chakula 'hewa', haina wanafunzi kwa zaidi ya miaka 10.

Polisi wawili watimuliwa Rukwa

2011-12-12T05:35:00.000-08:00

JESHI la polisi mkoani Rukwa imewafukuza kazi askari wake wawili  na
kuamuru  askari hao kufikishwa mahakamani   baada ya kupatikana na
hatia ya kukutwa na nyara za serikali zenye thamani ya zaidi ya
shilingi milioni 144,000.000 ambazo zilikuwa zimekamatwa na kisha
kuziachia  huku nao wakichukua vielelezo hivyo  kwa manufaa yao
binafsi.

Askari waliokufukuzwa kazi walipewa taarifa na kufanikiwa kumkakata

nyara za serikali aliyekuwa akisafirisha meno ya tembo kutoka mpanda

kwenda kigoma kwa kutumia usafiri wa basi la kampuni ya Adventure na

kumuachia huku wao wakichukua meno hayo na kuyahifadhi kwao.

Waliofukuzwa kazi na jeshi hilo ni pamoja na askari mwenye namba G
2874  PC Fredrick na askari  mwenye namba G 9116 Pc Venance huku jeshi
hilo likitoa onyo kwa askari wake wa kike ambaye naye alifumbia macho
wizi wa vielelezo ambavyo ni  vipande vinne  vya meno ya tembo bila ya
kutoa taarifa kwa viongozi wake.

Akizungumza na vyombo vya habari kamanda wa polisi mkoa wa Rukwa bwana
Isunto  Mantage amesema kuwa kukamatwa na kufukuzwa  kazi kwa askari
hao kunatokana  na  vitendo  vibaya vinavyoenda kinyume  na mwenendo
wa  jeshi hilo  la polisi  na kutotoa taarifa  za uhalifu kwa viongozi
wao  na hatimaye  kumwachia  mshtakiwa  aliyepatikana na nyara za
serikali .

Akifafanua zaidi juu ya tukio hilo kamanda Mantage amesema kuwa
inasadikika kuwa Novemba 14 majira ya saa  5 usiku  wakati askari hao
wakiwa zamu  katika chumba cha mashtaka  katika kituo cha polisi cha
wilaya ya Mpanda  walipokea simu toka kwa raia wema  iliyoeleza ya
kuwa  kwenye gari  mali ya kampuni ya Adventure Connection  lililokuwa
linatarajia kuondoka siku ya pili yake kuelekea mkoani Kigoma lilikuwa
limepakia abiria  ambaye alikuwa amebeba meno ya tembo.

Hata hivyo katika mazingira ya kutatanisha askari hao bila hata ya
kumjulisha kiongozi wao  walielekea katika eneo la tukio  na kisha
kumkamata mtuhumiwa wa nyara hizo za serikali  lakini katika mazingira
tata askari ha walimuachia mtuhumiwa huyo  na kuendelea na kazi bila
ya kutoa taarifa .
 Hata hivyo ilielezwa kuwa siku iliyofuata afisa wanyama pori
aliyetajwa kwa jina la Mushi alipata taarifa  za siri  ya kuwa basi
hilo la Adventure  lilikuwa imebea meno ya tembo  ambapo waliwatuma
askari  ambao walifukuzia gari na kulikuta umbali  wa kilometa 140
toka mjini Mpanda  katika eneo la mishamo  na walipofanya upekuzi
katika gari hilo walikuta begi moja liliwa limehifadhi  vipande 13 vya
meno ya tembo katika buti mojawapo la gari hilo na walipohojo mwenye
mzigo huo hakuweza kujitokeza na  ndipo askari hao walipoamua
kumkamata kondakta na inspecta  wa gari hilo  walikuwa na jukumu la
kupakia na kupakua mizigo ndani ya gari hilo.

 Hata hivyo  baada ya mahojiano  ndipo ilipojulikana ya kuwa siku moja
kabla ya trukio hilo  askari hao walikuwa tayari wamepatiwa taarifa
na kumkamata mtuhumiwa aliyyekuwa  na nyara hizo na kisha kumwachia
katika mazingira ya kutatanisha .

Hata hivyo mara baada ya taarifa hiyo askari hao walikamatwa na kisha
kuhojiwa  na kupekuliwa katika nyumba zao na kukutwa wakiwa  na
vipande vinne vya meno ya tembo  na kisha kukiri kumkamata mtuhumiwa
wa nyara hizo na kueleza kuwa mtuhumiwa huyo alifanikiwa kutoroka
wakati wakiwa njiani kumpeleka katika kituo cha polisi.

Wakati huo jeshi la polisi mkoa wa Rukwa linamshikili Harry Luvanda
ambaye ni mtumishi wa Benki ya NMB  tawi la Sumbawanga kwa tuhuma za
kuhusika na wizi wa zaidi ya shilingi milioni 35, ambazo zilikuwa
zinaingizwa katika akaunti mbalimbali za watumishi wa halmashauri ya
wilaya ya Sumbawanga, marehemu na waliostafu katika kipindi cha January

hadi Novemba mwaka huu.

APRM kutathmini Utawala Bora

2011-12-12T02:07:00.000-08:00

MPANGO wa Afrika Kujitathmini Kiutawala Bora (APRM) unaotekelezwa hapa nchini, umetajwa kuwa nyenzo muhimu ya kusaidia nchi kuimarisha utawala bora. Hayo yameelezwa Dar es Salaam na viongozi mbalimbali wa kitaifa na wananachi wa kawaida walipotembelea maonesho ya miaka 50 ya uhuru leo.

Makamu wa Kwanza wa Rais wa Serikali ya Mapinduzi Zanzibar, Maalim Seif Sharif Hamad, akitembelea Wizara ya Mambo ya Nje na Ushirikiano wa Kimataifa, wizara inayounganisha shughuli za APRM hapa nchini, alishauri kuwa ni muhimu zaidi maoni hayo ya wananchi yakatekelezwa.

Akimweleza kiongozi huyo kuhusu mchakato wa APRM, Ofisa Habari na Mawasiliano wa APRM Tanzania, Bw. Hassan Abbas alisema maoni ya wananchi yaliyokusanywa kupitia utafiti wa APRM nchini yataanza kufanyiwa kazi mara baada a mwakani.

“Kwa mujibu wa mchakato huu, nchi inapomaliza kujitathmini, kiongozi wa nchi husika huiwasilisha ripoti ya nchi yake mbele ya wakuu wenzake wa nchi za Afrika kwa ajili ya kupeana ushauri mbalimbali,” alisema Bw. Abbas.

Naye Makamu wa Pili wa Rais katika Serikali ya Mapinduzi ya Zanzibar, Balozi Seif Iddi alisisitiza juu ya umuhimu wa APRM kuwaelimisha zaidi wananchi hasa visiwani Zanzibar.

Kwa mujibu wa ripoti iliyohuishwa hivi karibuni ya APRM Tanzania, Tanzania kwa ujumla imeonekana kupiga hatua kubwa katika kuboresha misingi ya kisera na kisheria katika kukuza utawala bora nchini, ushiriki wa umma katika masuala ya uongozi na utawala umeimarika na nguvu za mihimili ya dola katika kuhakikisha nchi inakuwa imara zimeimarishwa.

Hata hivyo ripoti hiyo imeonesha kuwa wananchi na wataalamu mbalimbali waliohojiwa wameshauri kushughulikiwa changamoto mbalimbali zikiwemo kero za Muungano, tatizo la uchumi mpana kutowafikia wananchi wengi na suala la katiba mpya.

APRM ni taasisi iliyobuniwa na viongozi wa nchi za Afrika (AU) mwanzoni mwa miaka ya 2000 kwa lengo la kuwashirikisha wananchi kuainisha mazuri ya utawala bora katika nchi zao ili yaimarishwe zaidi na pia kutaja changamoto zinazopaswa kufanyiwa kazi.

Tanzania ni miongoni mwa nchi 30 kati ya 54 za Afrika zilizoridhia mkataba wa kuanzishwa mpango wa APRM na hapa nchini taasisi hii iko chini ya Wizara ya Mambo ya Nje na Ushirikiano wa Kimataifa. Ripoti za APRM kutoka kila nchi mwanachama mbali ya kuwasilishwa mbele ya wakuu wa nchi zinazoshiriki
mpango huo kwa ajili ya kupeana uzoezi na kushauriana pia huandaliwa mpangokazi wa kitaifa wa miaka mitatu mitatu kwa ajili ya Serikali husika kufanyiakazi changamoto zilizobainishwa. Kwa mujibu wa mkataba, utafiti huu hurudiwa kila baada ya miaka minne.

Kikwete akutana na Wakuu wa mikoa ya Tanzania Bara Ikulu

2011-12-11T22:46:00.000-08:00

Rais Jakaya kikwete, akiongea na Wakuu wote wa mikoa ya Tanzania Bara, Ikulu Dar es Salaam jana, kwa ajili ya kupanga mikakatia ya maendeleo na uboreshaji wa huduma za jamii kwa wananchi.

"Serikali inawategemea utendaji kazi wenu kuimalisha huduma za jamii kwa wananchi mikoani.".

JK atinga kwenye maonesho ya miaka 50 ya Uhuru Dar

2011-12-11T22:32:00.000-08:00

Rais Kikwete akiangalia gramophone ya 'His Masters Voice' katika banda la Wilaya ya Moshi

Albino wamshiniza Rais Kikwete kutia saini adhabu ya kifo

2011-12-11T04:41:00.000-08:00

KATIKA hali isiyokuwa ya kawaida mmoja wa walemavu wa ngozi ‘albino’ mjini

Shinyanga amemshauri Rais Jakaya Kikwete (pichani), kutia saini hati za hukumu

za mauaji ya albino kwa wahusika ili wanyongwe kama ilivyohukumiwa na mahakama

kuu. 
  
Mlemavu huyo Bw. Bubinza Mangalu mkazi wa kata ya Mwasele manispaa ya

Shinyanga alitoa kauli hiyo juzi alipokuwa akizungumza na waandishi

wa habari mjini Shinyanga ambapo alisema kitendo cha Rais Kikwete

kutosaini hukumu hizo ni ukiukwaji wa katiba na sheria za nchi. 
  
Bw. Mangalu alisema wakati Rais Kikwete akiapishwa kuwatumikia watanzania

aliapa kwamba atahakikisha anailinda na kuitetea katiba ya nchi kwa nguvu

zake zote hivyo kitendo chake cha kuchelewesha kutia saini hukumu za watu

waliohukumiwa kunyongwa ni kuvunja katiba na kiapo chake. 
  
Alisema hukumu ya kunyongwa mpaka kufa ni sheria iliyopitishwa kihalali na

bunge la Jamhuri ya Muungano wa Tanzania na kwamba mtu anapotenda kinyume

chake anakuwa amevunja sheria sambamba na katiba ya nchi na kwamba Rais

Kikwete anaposhindwa kufanya hivyo anakuwa hawatendei haki watanzania. 
  
“Pamoja na kwamba juzi tumeadhimisha miaka 50 ya uhuru wetu, lakini sisi

albino bado tuna machungu makubwa kuona Rais Kikwete amekuwa na kigugumizi

kiasi cha kushindwa kutia saini hati za hukumu kwa watu waliohukumiwa

kunyongwa mpaka kufa pamoja na kwamba mahakama kuu iliwaona na hatia,” 
  
“Hukumu ya kifo ni ya kisheria, na haina ujanja au njia mbadala mpaka pale

bunge la Jamhuri ya Muungano wa Tanzania litakapokuwa limefanya mabadiliko

kwa kuifuta sheria hiyo, sasa ni vizuri ifike wakati Rais atekeleze hukumu

hizo ili kuwapunguzia machungu watu ambao ndugu zao albino waliuawa kikatili,"

alieleza Bw. Mangalu. 
  
Alisema kitendo cha kuendelea kuwahifadhi wafungwa waliopewa adhabu ya kifo

kwa kunyongwa mpaka kufa ni kutowatendea haki familia za walemavu wa ngozi ambao

ndugu zao waliouawa kwa vile wafungwa hao wanaendelea kuishi huku wakila chakula
kinachotokana na fedha ya walipa kodi wakiwemo na albino haohao. 
  
Kwa upande mwingine Bw. Mangalu amewataka walemavu wa ngozi nchini wasiwe

watu wa kulalamika kila mara na badala yake wafanye kazi za kuwaingizia

vipato kama wanavyofanya watu wengine wasio walemavu wa ngozi. 
  
“Shida yetu kubwa sisi walemavu wa ngozi ni unyanyapaa tunaokutana nao wakati
tunapotafuta kazi, lakini pia jiografia ya nchi yetu nayo inachangia kutokana

na kazi nyingi kufanyika juani na hivyo kuwaathiri albino, lakini hali isiwe

kikwazo kwetu,” 
  
“Ninachoshauri kwa wale wenzetu wachache wanaobahatika kupata kazi wajaribu

kutoa msaada kwa walemavu wengine wasio na kazi ili nao waweze kupata kazi

ili kupunguza tatizo la wao kuishi kwa kutegemea misaada kutoka kwa jamii,

wanapaswa kujiona kwamba wao ni kama jamii wengine wasio albino,” alieleza

Bw. Mangalu.

JK awapasha TANAPA

2011-12-11T02:47:00.000-08:00

RAIS wa Jamhuri ya Muungano wa Tanzania Dkt. Jakaya Kikwete amewashukia viongozi wa Shirika la Hifadhi za Taifa (TANAPA) na Hifadhi ya Mamlaka ya Ngorongoro kuwa wameshindwa kuitangaza Tanzania katika nyanja ya utalii duniani, badala yake wanalipana posho na safari za wajumbe kuzunguka dunia nzima.

Dkt. Kikwete aliyasema hayo wakati akizindua kampasi ya Dar es Salaam ya Chuo cha Taifa cha Utalii jana na kuongeza kuwa Tanzania ina sifa ya kuwa na vivutio vingi vya kitalii lakini idadi ya watalii wanaotakiwa kufika nchini inapungua kutokana na kutotangazwa kwa vivutio ipasavyo.

"TANAPA fedha wanazo..wanazitumia kugawana posho, wengine kuongeza safari za wajumbe kuzunguka dunia nzima halafu tunabaki kulalamika kuwa Kenya wanatangaza mlima Kilimanjaro, hawadanganyi, ni kweli ukienda pale Kajiado Kenya utauona mlima Kilimanjaro, lakini ukitaka kuupanda lazima ufike Tanzania, tangazeni na ninyi, msiishie kulalamika tu," aliongeza.

Dkt. Kikwete aliwapasha viongozi hao kuwa wakibana posho watapata fedha za kujitangaza katika soko la dunia. Alizitaka mamlaka kushirikiana na makampuni yanayotoa huduma za kitalii nchini kukaa pamoja na kuweka mikakati ya kuchangia kutangaza utalii, kwa kuwa wanafaidika zaidi.

"Sisi tutaendelea kutangaza, sizungumzii serikali, mashirika yanayonufaika yachangie kutangaza maana hao ndio wananufaika zaidi japo nasi tunapata kodi kidogo, ni lazima wagharamie kwa sababu hatuwezi kuwatangazia biashara zao...wagharamie maana fedha wanazo. Ngorongoro na TANAPA washirikiane nao,"alisistiza.

Alisema kuwa kwa miaka kadhaa Tanzania imekuwa ikiweka kiwango kutembelewa na watalii milioni moja, lakini mpaka sasa Tanzania imefikisha idadi ya watalii laki saba na kidogo, hivyo bado pengo la watalii laki tatu, kitu ambacho cha kusikitisha.

Aliongeza kuwa baadhi ya nchi hazina vivutio vizuri lakini zinapata idadi kubwa ya watalii kutokana na kutangaza vivutio vyao. "Mnatangaza Marekani, lakini bado haitoshi msitangaze huko pekee yake, tangazeni Ufaransa, Japan na kwingineko tena kwa lugha za mahali husika, kwa sababu kila mahali wanatumia lugha yao tu, tatizo la watanzania wanajua kuwa kila mtu wa nje anajua kiingereza.

"Sambamba na kutangaza huko lakini tutafanikiwa zaidi kama huduma za hoteli zetu zitakuwa nzuri, hoteli ni muhimu zaidi, kwani huduma zikiwa mbovu hata tuwe na vivutio kiasi gani hatutapa kitu,"alisisitiza.

Alisema Tanzania ilikuwa na ndoto ya kuwa na chuo cha utalii chenye hadhi ya kimataifa na ndoto hiyo imetimia baada ya kukamilika kwa kampasi hiyo ya Dar es Salaam ambayo imejengwa kwa ushirikiano mkubwa wa serikali ya Ufaransa.

Amewataka kuajiri wafanyakazi kutoka ndani na nje ya nchi ili chuo kiendeshwe kwa ubora.
Amewataka wanafunzi kutoka vyuo hivyo kuwa makini, uaminifu mkubwa ili kutoharibu sifa ya chuo na nchi kwa ujumla.

Awali akizungumza katika uzinduzi huo Waziri wa Maliasili na Utalii, w. Ezekiel Maige alisema kuwa sekta ya utalii imekuwa ikichangia asilimia 17.2 ya pato la taifa na sekta hiyo inazidi kukua kiasi cha kuridhisha. Maige amesema Tanzania ili Tanzania iweze kupata watalii zaidi ya milioni moja vitanda 3,000 vinahitajika.

Naye Mkuu wa Chuo, Bi. Agnes Mziray alisema kuanzishwa kwa kampasi hiyo mpya, kunafanya chuo cha utalii kufikisha kampasi tatu ambazo ni Arusha na Temeke, hatua ambayo itaongeza udahili kwa wanachuo, na kampasi hiyo mpya ina uwezo wa kuchukua wanachuo 500 kwa kwa wakati mmoja.

Dkt. Bilal awataka Waislam kuwekeza kwenye maendeleo

2011-12-11T02:16:00.000-08:00

Makamu wa Rais Dk. Mohammed Gharib Bilal amewataka Waislam nchini kuhakikisha wanajiendeleza na kuacha kujilaumu hasa katika kuwekeza katika mambo ya maendeleo.

Ametoa rai hiyo leo wakati wa maadhimisho ya kuukaribisha mwaka mpya wa Kiislamu (1433 Hijriyya) ulioadhimishwa na Jumuiya ya Istiqama (Istikama) ya Tanzania tawi la Dar es salaam kwenye ukumbi wa Karimjee leo.

“Wakati tukiadhimisha mwaka huu mpya tunapaswa kujikumbusha pia kwamba tunao wajibu wa kuhakikisha tunajiendeleza na kuacha kujilaumu hasa katika kuwekeza katika mambo ya maendeleo,” alidokeza.

Makamu wa Rais alisema katika kufanikisha hilo Waislam wanapaswa kuwekeza katika ujenzi wa nchi kama shule na huduma mbalimbali za jamii.

Alisema anafahamu vyema kwamba mambo hayo yanafanyika lakini aliwataka kuongeza nguvu zaidi na kusisitiza uwekezaji ufanywe kwa malengo maalum ya kutoa huduma za elimu iliyo bora ili wananchi na vijana wafaidike na uwekezaji huo.

“Watoto wetu wamesoma kaswida, wameonesha wana hamu ya kutaka kujua zaidi. Tunahitaji watoto wetu wasome, tunahitaji familia zetu ziwe na afya bora, tunapaswa kushikamana pamoja katika kukuza huduma za maendeleo tukibakia kuwa wacha Mungu, alisema Dk Bilal.

“Tufanye hivyo kwa lengo maalumu. Kama ni kuwekeza kwa kujenga zahanati, tuhakikishe tunajenga zahanati zinazotoa huduma bora na nzuri kuwasaidia wananchi, wanawake wajawazito na watoto. Kama ni ujenzi wa shule, ziwe shule za mfano zinazotoa elimu iliyo bora.”

Dk. Bilal alitumia fursa hiyo pia kuwataka Waislam wahamasishe jamii kumcha Mungu ili kupunguza mabadiliko ya tabia na mambo yanayokuja kwa kasi hasa katika kipindi hiki cha utandawazi.

Katika risala yao Jumuiya hiyo ya Istiqama tawi la Dar es salaam waliipongeza Serikali ya Muungano na ile ya Mapinduzi Zanzibar kwa uamuzi wao wa kupinga ndoa za jinsia moja kwa kuwa zinaenda kinyume na mila na desturi za Watanzania.

Naye Sheikh Mkuu wa Mkoa wa Dar es salaam, Alhaji Mussa Salum aliiomba Serikali isibadili msimamo wake wa kupinga ndoa za jinsia moja baada ya Marekani kuungana na Uingereza katika hilo kwa hofu ama woga wa kukosa misaada.

Makomandoo wakitoa heshima kwa Amiri Jeshi Mkuu

2011-12-11T02:06:00.000-08:00

Vifaa vya Kijeshi vilivyotia fora maonesho ya miaka 50 ya Uhuru

2011-12-11T01:54:00.000-08:00

Gari la Jeshi likipita mbele ya Amiri Jeshi Mkuu Rais Jakaye Kikwete likiwa limebeba Kifaru cha kisasa kilichofungwa makombora kwa ajili ya kutungua ndege za adui

Kifaru kikipita mbele ya Amiri Jeshi Mkuu Rais Kikwete kikiwa na mkonga wa kurusha makombora

Kifari kinachotumia minyororo kwa ajili ya kukabiliana na adui kikipita mbele ya Rais

Hili ni moja ya magari ya kisasa kwa ajili ya vita likipita mbele ya Rais Kikwete

Gari la kisasa lenye rada kwa ajili ya askari wa Majini NAV, likipita wakati wa maadhimisho ya miaka 50 ya Uhuru wa Tanzania Bara.

Maadhimisho miaka 50 ya Uhuru yalivyofana Dar

2011-12-11T01:41:00.000-08:00

Rais Jakaya Kikwete akiwa amesimama kwa ajili ya kupokea heshima ya kupigiwa mizinga mitano kama ishara ya miaka 50 ya Uhuru wa Tanzania Bara, Dar es Salaam juzi

Rais Kikwete akipita kikosi cha Jeshi la Ulinzi la Wananchi wa Tanzania JWTZ gadi ya wanawake

Rais Kikwete akikagua gadi ya askari wa Magereza wanawake

Askari wa Jeshi la Ulinzi la Wananchi wa Tanzania JWTZ wakitoa heshima kwa Rais Kikwete

Askari wa Jeshi la Kujenga Taifa JKT wakitoa heshima kwa Amiri Jeshi Mkuu Rais Kikwete

Jk akutana na viongozi wa Kenya Ikulu Dar es Salaam

2011-12-11T00:12:00.000-08:00

Rais Jakaya Kikwete akipokea ujumbe maalumu toka kwa Rais Mwai Kibaki wa Kenya uliowasilishwa na Ikulu Dar es Salaam jana na Makamu wa Rais wa nchi hiyo Kalonzo Musyoka

Rais Jakaya Kikwete akiongea na ujumbe wa kenya ulioongozwa na Makamu wa Rais Kalonzo Musyoka

Rais Jakaya Kikwete akitambulishwa kwa Mfalme Peter Nabongo Mumia wa Ukoo wa Wanga wa Magharibi mwa Kenya wakati Makamu wa Rais wa Kenya Bw. Kalonzo Musyoka alipomtembelea Ikulu Dar es salaam

Karibuni Ikulu; Rais Kikwete akimkaribisha Makamu Rais wa Kenya Kalonzo Musyoka jana

TUNAKUKUMBUKA MPENDWA WETU NASRI JUMA KINTU

2011-12-10T23:59:00.000-08:00

NASRI JUMA KINTU
Mpendwa Nasri Juma Kintu, Mama Jamal, ni miaka miwili sasa imetimia tangu ulipotutoka ghafla tarehe 12 Dec, 2009 na kutuachia majonzi yasiyokwisha.

Busara, Ucheshi, huruma na hasa upendo wako, hatutausahau kamwe.

Unakumbukwa sana, hasa mumeo Juma W. Kintu, Wanao Jamal na Jasmin na pia wadogo zako Beatrice na Mahuto.

Inna Lilah Wahinna Lilah rajiun.

Watinga kilele cha Mlima K'njaro

2011-12-10T23:19:00.000-08:00

Kundi la vijana waliofika kwenye kilele cha mlima Kilimanjaro wakisherehekea miaka 50 ya uhuru juu ya kilele cha mlima huo juzi, Msafara huo uliandaliwa na Bodi ya Utalii Tanzania na Kampuni ya Utalii ya Zara Tours.

JK akoshwa na vikosi vya Ulinzi na Usalama

2011-12-09T07:03:00.000-08:00

Amiri Jeshi Mkuu Rais Jakaya akiwasiri kwenye Uwanja wa Uhuru Dar es Salaam leo

Askari wa JWTZ wakipita mbele ya Amiri Jeshi Mkuu

Makomandoo wa JWTZ wakionesha jinsi ya kukabiliana na adui bila silaha

JWTZ wakipita mbele ya Amiri Jeshi Mkuu wakiwa na Silaha ya msaada ya kuangusha ndege.

Jk akagua Vikosi vya Ulinzi na usalama miaka 50 ya Uhuru

2011-12-09T05:54:00.000-08:00

Komandoo wa JWTZ wafunika maadhimisho ya Uhuru Dar

2011-12-09T05:44:00.000-08:00

Askari wa Kikosi cha Komandoo wa JWTZ wakionesha jinsi ya kukabiliana na aduni bila silaha, wakati wa maadhimisho ya miaka 50 ya Uhuru Dar es Salaam leo.

Kili Stars, chinja Waganda leo

2011-12-08T03:07:00.000-08:00

Kikosi cha Kilimanjaro Stars, kinachojiandaa kushuka Uwanja wa Taifa Dar es Salaam saa 10, Alasiri leo kuwakabiri Waganda, katika mchezo wa nusu fainali kuwania Kombe la Challenji.

Hapa vijana wa Kili Stars wakicheza kwa furaha baada ya Nurdin Bakari kuifungia bao dhidi ya Malawi na kutinga hatua na nusu fainali, Leo watacheza na kufurahi kama wanavyofanya?.

Jk amuaga Balozi wa EU

2011-12-08T02:53:00.000-08:00

Rais Jakaya Kikwete akiagana na Balozi wa Umoja wa Ulaya (EU) nchini Tanzania Bw. Tim Clarke alipokwenda kumuaga Ikulu, Dar es salaam leo baada ya kumaliza muda wake

Tumkumbuke Mwl Nyerere kwa vitendo

2011-12-08T02:42:00.000-08:00

Baba wa Taifa Mwalimu Julius Nyerere alikuwa kiongozi wa aina yake, hapa akipiga ngoma kama ishara ya kuthamini utamaduni wa mtanzania

Hapa Hayati Baba wa Taifa Julius Nyerere akiwa na Swahiba wake kipenzi, Hayati Samora Machel,

Mwalimu Nyerere akisalimiana na aliyekuwa Rais wa Cuba, Komredi Cuba, Fiedel Casto

Mwalimu Nyerere akiongea kwa utani na Mama Mzee wa Kabila la Wamasai

Mahakama ya ICTR yaendelea na kesi za mauaji ya Kimbari Rwanda

2011-12-08T02:33:00.000-08:00

Mwendesha Mashitaka wa Mahakama ya Kimataifa ya Mauaji ya Kimbari ya Rwanda

(ICTR), Drew White, ameitaka mahakama kutoa adhabu ya kifungo cha maisha jela

kwa Ofisa wa zamani wa Jeshi la Rwanda Kapteni Idelphonse Nizeyimana, iwapo

atapatikana na hatiani ya mauaji ya kimbari inayomkabili. 

Amemwambia Jaji Lee Muthoga wakati akisikiliza hoja za mwisho katika kesi hiyo,

jijini Arusha leo.

Akinukuu baadhi ya sheria za nidhamu za jeshi la Rwanda aliiambia Mahakama hiyo

kuwa Kapteni Nizeyimana alitakiwa kuhakikisha ulinzi wa taifa wa usalama wa raia

lakini hakufanya hivyo wala kuwaadhibu askari waliokuwa chini ya mamlaka yake. 

Amesema Kapteni Nizeyimana alikuwa ni Ofisa wa pili kwa wadhifa katika Chuo cha

Maafisa wa Jeshi Wasiokuwa na Kamisheni (ESO) mkoani Butare, Kusini mwa Rwanda

akiwa Mkuu wa Kitengo cha Usalama na Operesheni za jeshi. 

Anadaiwa kuwa aliamuru, kusimamia na kupanga mauaji ya kimbari dhidi ya Watutsi

katika maeneo mbalimbali ya mkoa wa Butare ikiwa pamoja na mauaji ya Malkia
wa Watutsi, Rozalie Gicanda, aliyeuawa Aprili 21, 1994. 

White aliyataja matamshi 15 ambayo alidai yameonyesha dhamira ya mshitakiwa
ya kutenda uhalifu dhidi ya Watutsi. ''Hatma ya Watutsi imefungwa kabisa,
hakuna Mtutsi atakayebakia au Inyenzi (Watutsi) lazima wateketezwe,
yanaonyesha wazi kwamba alidhamiria kutenda uhalifu,''  White alinukuu
sehemu ya ushahidi uliokuwa unatolewa wakati wa usikilizaji wa kesi. 

Kuhusu mshitakiwa kuhusika na mauaji ya Malkia Rozalie Gacinda, mwendesha
mashitaka alisema mashahidi wa uhakika walijitokeza ikiwa ni pamoja na
mjukuu wake na mpishi. 

Wakili Kiongozi wa mshitakiwa huyo, John Philpot kwa upande wake alisema
mteja wake alitimiza jukumu lake kama Ofisa wa jeshi wakati wa vita kama
anavyotakiwa kufanya. Alisema mwendesha mashitaka ameshindwa kuthibitisha
pasipo mashaka yake.'' Mteja wangu siyo kamanda wa ESO, hakuwa na mamlaka
halisi ya kiutendaji na hakuwa na mamlaka yoyote kwa askari waliodaiwa kuwa
chini yake,''alifafanua.

Wakili huyo pia alidai kwamba mteja wake wakati fulani hakuwapo mjini Butare
kati ya Aprili na Mei, 1994 bali alikwenda kikazi katika kiwanda cha Chai
cha Mata mkoani Gikongoro kuwapa mafunzo ya kijeshi askari wapya waliokuwa
wanajiunga na jeshi la Rwanda wakati huo wa vita.

"Kesi hii sasa iko mikononi mwenu. Tunawaomba msimame imara katika ukweli na

haki mwachie huru Nizeyimana,'' Philpot alihitimisha.

Kapteni Nizeyimana alianza safari ya kujitetea Mei 9, 2011 kupinga mashitaka
ya mauaji ya kimbari, kuteketeza kizazi, mauaji na ubakaji.

Alitiwa mbaroni nchini Uganda Oktoba 5, 2009 na kuhamishiwa ICTR, Arusha,
Tanzania siku iliyofuata. Kesi yake ilianza kusikilizwa Januari 17, 2011.
Mwendesha mashitaka aliita mashahidi 38 huku upande wa utetezi nao uliita
idadi kama hiyo ya mashahidi kupangua hoja za mwendesha mashitaka.

Askari JWTZ abambwa na bangi

2011-12-07T03:12:00.000-08:00

Kamanda wa Polisi Mkoa wa Morogoro, Acp Adolphina Chialo (Pichani, amesema Polisi wakiwa doria, walikamata gari aina ya Toyota Mark II, namba T 602 ABJ likiwa na magunia 12 ya bangi, barabara kuu ya Iringa.

Chialo amesema gari hilo lilikuwa likiendeshwa na askari huyo wa Jwtz akiwa na sare za jeshi, hata hivyo Kamanda Chialo alisema wengine waliokamatwa pamoja na askari huyo ni Ally Mstafa (25) Idd Said (30) wote wakazi wa Tabata, Dar es Salaam.

Wakati huohuo watu watatu wamefikishwa katika mahakama ya hakimu mkazi mkoa wa Morogoro wakituhumiwa kwa utapeli, akiwemo Ofisa usalama wa taifa.

Wakiwasomewa mashitaka mbele ya hakimu mkazi Bi. Agnes Ringo, mwendesha mashitaka Sinai Mwaseba alisema kuwa washitakiwa hao, Nicholaus wiliam Mgenge ambaye ni Oafisa usalama wa taifa, George Mweyunga na Kolelo Fikio .

Alisema watuhumiwa wanadaiwa kumtapeli, Awadhi Sarehe ili wakidai kuwa watampatia hati ya kiwanja Plot 6 Block N mtaa wa Mindu, Manispaa ya Morogoro. Ilidaiwa kuwa Desemba 2, mwaka huu, Nicholaus Mgenge alikwenda kwa sarehe na kujitambulisha ni Ofisa Uslama wa taifa kutoka Ikulu, anaweza kumsaidia kupata hati ya kiwanja, hivyo akapewa sh. 500,000.

Anasema siku iliyofuata mtuhumiwa alikwenda tena kwa mlalamikaji na kuomba apewe sh. mil 2, na kukamatwa. Watuhumiwa hao wamenyimwa dhamana.

2011-12-07T02:33:00.000-08:00

Kamanda wa Polisi Mkoa wa Morogoro Acp, Adolphina Chialo akiangalia shehena ya

bangi gunia 12  iliyojazwa kwenye gari ndogo aina ya Toyota Mark II T 602 ABJ leo.